Duarte: Milan, më solli Paketa
"Ky klub ka një histori të bukur, kanë kaluar shumë brazilianë të famshëm"
Utransferua gjatë kësaj merkatoje nga Maldini dhe Boban për të plotësuar një repart aktualisht të vogël në numër. Duke konsideruar, për më shumë, faktin që është brazilian, do të ketë një detyrë më shumë: të ndjekë gjurmët e brazilianëve të tjerë, të cilët kanë kaluar më parë nga Milani. Leo Duarte, mbrojtësi i skuadrës kuqezi, me vitlindje 1996, i blerë për 11 milionë euro nga "Djalli" (mes pjesës fikse dhe bonuseve, që do t'i paguhen klubit brazilian nëse verifikohen disa kushte të caktuara), pasi mposhti konkurrencën e Romës, Juves dhe Napolit, është ndalur për disa deklarata nga mediat italiane. "Milani ka një histori të bukur, është një klub i madh. Këtu kanë kaluar brazilianë të famshëm, si Kaka, Serzhinjo, Kafu, Tiago Silva. Shpresoj edhe unë të ndjek gjurmët e tyre".
TAKTIKA ITALIANE -
I lindur në Mokoka, Duarte rritet te Desportivo Brazil, përpara se të kalojë në janarin e 2014-ës te grup-moshat e Flamengos, ku debuton me skuadrën e parë në 2016-ën. Me skuadrën e Rio de Zhanejros fiton dy kampionate në 2017-ën dhe 2019-ën dhe një Kupë braziliane
në 2019-ën. U largua nga Brazili pas 60 ndeshjeve zyrtare dhe 2 golave të shënuar, gjatë të cilave veçohet pa dyshim një e dhënë interesante: numri i kartonëve të verdhë, vetëm 10 në 63 ndeshje. "Futbolli brazilian nuk ka një taktikë të madhe
si këtu, - ka analizuar më tej Duarte, ish-lojtari i Flamengos, skuadër ku kishte zhvilluar 14 ndeshjet e programuara deri në 7 gusht (ditën e udhëtimit në Itali) të ndara mes Kupës Libertadores dhe Serisë A. megjithëse po punoja me
Zhorzh Zhezusin, i cili është një trajner europian dhe ka shumë njohuri nga futbolli. Më ka ndihmuar dhe tani duhet të përmirësohem me gjuhën për të kuptuar më shumë kërkesat e trajnerit".
MIKU PAKETA - Pas Teo Hernandezit, Rade Kruniçit,
Izmael Benaserit dhe Rafael Leaos, Duarte ishte blerja e pestë e Milanit në këtë merkato verore, të gjithë lojtarë U-23, tregues që "Djalli" po synon te talentet. Firmosi me kuqezinjtë një kontratë pesëvjeçare dhe tani do të luajë përkrah një tjetër braziliani,
fantazistit dhe mikut Lukas Paketa. "Bisedova me Paketan për të mësuar si ishte ambienti dhe se si funksiononte këtu. Përgjigjet e tij më bindën, pasi ishin shumë pozitive; më bënë akoma më të lumtur dhe të motivuar për transferimin".