Boban: S™na intereson mesi i renditjes, Milani fikantierfl... suksesi
“Modriç milanist, por s’e braktiste dot Realin”
Zvonimir Boban ish te protagonisti krye sor i afrimit të Ante Rebiçit te Milani, por merkatoja kuqezi ka qenë vazhdimisht në lupën e drejtuesit kroat. Në një intervistë për “Sky”, 50-vjeçari ka analizuar të gjitha goditjet e mundshme të verës të “Djallit”.
Më në fund merkatoja përfundoi...
E thatë shumë saktë. Ishte një periudhë tejet stresuese, ndaj uroj që FIFA të ndërhyjë dhe t’i shkurtojë afatet për transferimin e lojtarëve. Kur koha është e tepërt, stresohet skuadra, trajneri dhe ka shumë futbollistë që ikin e vijnë.
A janë të kënaqur drejtuesit e “Elliott” për veprimtarinë tuaj?
Të them të drejtën nuk kam folur fare (qesh). Kemi pasur shumë punë gjatë këtyre javëve të merkatos. Jemi marrë me anën organizative, sepse donim t’i jepnin formë punës sonë, duke përmirësuar strukturën në të gjitha aspektet. Një lojtar që vlen 100 milionë euro, i vetëm, nuk ta ndryshon ekipin dhe ecurinë e rezultateve.
Keni afruar gjashtë futbollistë dhe të gjithë të rinj. Mos është një hap më i gjatë se këmba?
Strategjia e klubit është e tillë, por ky është Milani aktual. Lojtarët e rinj sjellin pozitivitet, megjithatë në ekip ka edhe të tjerë me përvojë. Mund të them që në grup ka edhe të rinj të cilët janë liderë. Personaliteti është diçka e lindur. Pasi përforcuam skuadrën, tani le të përmirësojmë lojën. Nuk pranohet që Milani të “lundrojë” në mesin e klasifikimit. Duhet ambicie dhe punë, sepse nuk kthehemi dot brenda ditës në nivelet e dikurshme.
Sa do të ndikojë një si Rebiç në lojën e Milanit?
Do ta shohim, por mund të them se është një lojtar me karakter dhe forcë. Për më tepër, di të bëjë disa role dhe ka treguar se i përballon nivelet e larta. Kemi të bëjmë me një djalosh serioz, i cili është përmirësuar ndjeshëm edhe teknikisht, sepse shpejtësia dhe shënjestra kanë qenë cilësi që i ka pasur me kohë. Jemi të lumtur që u bë pjesë e Milanit.
Çfarë ndodhi me Modriçin?
Modriç është milanist dhe një lojtar i jashtëzakonshëm, por shanset e transferimit të tij te Milani ishin thuajse inekzistente. Mbase Lukës do t’i pëlqente të vishej kuqezi, por biseda konkrete nuk kemi zhvilluar kurrë. Me sa di, ai nuk
do ta linte Realin pas një sezoni të dobët dhe kjo është diçka që e nderon.
Po Korrea, përse nuk erdhi, sepse u fol shumë gjatë?
Në rastin e tij nuk u gjet gjuha e përbashkët në terma ekonomikë. U munduam
të afronim edhe lojtarë të tjerë me karakteristikat e Korreas, por meqë zgjedhja ra mbi Rebiçin, mbase koha na tregon se nuk kemi gabuar.
Pas gjashtë afrimesh, çfarë objektivash ka ky Milan?
Jemi ambiciozë, por duhet durim. Organika ka cilësi dhe me kalimin e kohës do të kuptojmë nëse kemi punuar mirë apo keq në merkato. Personalisht mendoj se te Milani ka shumë lojtarë që kanë mundësi të lënë gjurmë.