Klop: Luftuam si të çmendur, normale që Adrian të gabojë
Trajneri i Liverpulit mbron portierin pas gafës
Jyrgen Klop fajëson mungesën e stërvitjes për rrezikimin e fitores në Sauthempton nga Liverpuli i tij, por thekson gjithsesi se mbeti i befasuar nga energjitë e djemve të tij pas 120 minutave shteruese në Stamboll të mërkurën. "Ishte shumë e vështirë për ne. Treguam nga sekonda e parë që askush nuk ishte i lodhur. Erdhëm këtu për ta fituar ndeshjen, kështu që ne duhet të luftonim si të çmendur. E thashë përpara takimit se shumica e titujve të gazetave ishin bërë gati. Të gjithë ishin gati për atë që dukej si një lëkurë bananeje, sepse Sauthemptoni e kishte humbur sfidën e parë dhe ne patëm probleme këtu sezonin e shkuar. Plani ynë për titullin e parë ishte 'gjigantët e mentalitetit vijnë në qytet'. Ky ishte titulli im. Mendova se djemtë luftuan për çdo metër të fushës, luajtën futboll të mirë dhe shënuan gola të mrekullueshëm. Nuk kishim kohë për t'u përgatitur pas Superkupës. U kthyem vonë të enjten dhe trajnerët u ulën së bashku për të parë ndeshjet e Sauthemptonit. Të premten ua treguam analizën
lojtarëve dhe pastaj erdhëm këtu. Bëmë një gjumë të mirë dhe sigurisht pastaj luajtëm ndeshjen. Kjo është situata". Trajneri i Liverpulit merr në mbrojtje edhe portierin Adrian pas gafës: "Nëse dhuron një gol të tillë, atëherë kundërshtari merr zemër dhe ndien intensitetin e javës së shkuar. Sauthemptoni pati edhe një
rast të pastër dhe nëse do të kishin shënuar, ne nuk do kishim për çfarë të ankoheshim. Por mendoj se i merituam tri pikët. Jam i kënaqur me lojën. U dhamë një nxitje me pasimin e bukur të Adrianit. Është vetëm ndeshja e tretë e tij dhe është normale për një portier të Liverpulit të bëjë një gabim".