Mançesteri lë me gisht në gojë PSG-në, Roma “digjet” “digjet” në në shtesë
Gafa të francezëve, Lukaku e Rashford kualifikojnë anglezët
Ishte rezultati më i pa parashikueshëm. Edhe për vetë statistikat. Por futbolli kështu është bërë. Edhe kur çerekfinalet dukeshin se do ishin me të vërtetë të PSG-së, atyre që u kishin munguar në dy vitet e fundit, doli në pah krenaria e një skuadre si Mançester Junajtid, edhe me dhjetëra titullarë jashtë. Edhe pa Pogbanë, e skualifikuar, por me qetësinë dhe vendosmërinë e klubeve të mëdha. Shfrytëzojnë me Lukakun dy gabime të pafalshme të Kehrerit dhe Bufonit dhe i mbyllin llogaritë me Rashforin, me një penallti në shtesë. Një skenar dramatik për emirin e Katarit, që Champions-i në Paris po i shndërrohet në një tabu.
Gafat – Në një moment u duk se PSG nuk do të hiqte dorë nga ndeshja. Pavarësisht kontrollit absolut të lojës ose thuajse absolut. Sepse mes zotërimit të topit asfiksues dhe spostimit të qendrës së gravitetit në ¾-at me qendërmbrojtësin Tiago Silva dhe shiun e rasteve të humbura, në të vërtetë vijnë dy goditjet e Junajtid. Anglezët shfrytëzojnë dy gabime çarmatosëse, të parin të Kehrer dhe të dytin të Bufonit. I pari kur nuk kishin kaluar as dy minuta, me mbrojtësin gjerman që kthen topin te Silva shkurtazi. Por ishte një ftesë për Lukakun, i cili djeg brazilianin, driblon edhe Bufonin në dalje dhe e mbyll me një rrëshqitje në rrjetë. Goli i dytë vjen pas gjysmë ore. Goditje e Rashfordit, jo e pakapshme, por italiani nuk kontrollon dhe kështu topi është një tjetër asist për belgun, i harruar nga Silva dhe Kimpembe, që shënon golin e dytë. Është pak a shumë gjithçka, skuadra e Solskjaerit arrin të prodhojë në pjesën e parë, duke qëndruar e kujdesshme pas, e vendosur nën presion nga manovra franceze, që arrin të gjejë golin në 12’: me Bernatin, që devijon në rrjetë një asist të Mbapesë, pas një hapjeje të bukur nga e djathta e Alveshit.
VAR – Pjesa e dytë është fotokopje e pjesës së parë, por pa gabimet e nisjes. Me një PSG të kujdesshme për të mos i lejuar shanse një skuadre kompakte në 20 metrat e fundit, me linja të shtrënguara, e aftë për të mos shpërdoruar energji dhe dalë përpara atëherë kur duhet. Në të vërtetë, PSG gjen edhe golin e barazimit pas vetëm 11 minutash, por Di Maria peshkohet në pozicion jashtë loje nga asisti me thembër i Mbapesë. PSG rrit presionin dhe 6 minuta nga fundi godet edhe shtyllën me Bernatin. Por goditja që ndryshon gjithçka është e Dalot. Një e djathtë nga jashtë zone, që Kimpembe e devijon me bërryl. Arbitri nuk e sheh, por VAR po. Dhe nga penalltia, në kohën shtesë, shfaqet Markus Rashford. Një 21-vjeçar përballë legjendës 41. Fiton talenti apo përvoja? “Pyesni Markusin”, u thotë ai...