UEFA nis hetimin, Ramos: Deklarata ime u keqkuptua
Kapiteni mori me qëllim karton të verdhë
UEFA ka hapur një hetim për Serxho Ramosin dhe kapiteni i Realit të Madridit rrezikon të pezullohet. Nisur nga deklarata pas ndeshjes me Ajaksin se kartoni i verdhë ishte i qëllimshëm, institucioni më i lartë i futbollit europian ka hapur një procedim për të analizuar videot e publikuara në media ku Ramos kërkoi lejen e trajnerit për të marrë karton të verdhë. Ditën e djeshme ai ka dhënë një intervistë të shkurtër për gazetën “MARCA” dhe shpjegon gjithçka. Kapiteni i “galaktikëve” thotë se deklarata e tij është keqkuptuar sepse ai bëri qëllimisht faullin dhe nuk donte të ndëshkohej.
Serxho, ju thatë se kartonin e morët qëllimisht. Është e vërtetë kjo?
Më surprizon shumë e gjitha kjo që po thuhet. Unë e kisha për faktin që faullin e shkaktova qëllimisht, i cili ishte i pashmangshëm. Nuk e kisha për kartonin.
Ishit i vetëdijshëm që rrezikonit të merrnit një karton dhe që mund të pezulloheshit?
Po, por nuk kisha asnjë alternativë tjetër. Ishte një kundërsulm shumë i rrezikshëm në minutën e 88-të, një ndeshje e hapur dhe eliminatorja gjithashtu. Për këtë gjë thashë se e bëra me qëllim. E dija që kisha karton dhe që do të pezullohesha. Unë për këtë e kisha fjalën në deklaratën time. Por në futboll duhet të marr vendime të vështira.
Por pse thoni se jeni i surprizuar?
Jam shumë i surprizuar. Nëse unë do të merrja një karton qëllimisht, atëherë do ta kisha bërë në fazën e grupeve në ndeshjen kundër Romës. Sepse aty ishim të kualifikuar si të parët në grup dhe sfida e radhës kundër CSKAsë nuk kishte shumë vlerë. Por unë për atë ndeshje nuk isha i grumbulluar...