Higuain e Kutrone çojnë Milanin në “parajsë”

20-vjeçari me dopietë dhe “El Pipita” përmbysin grekët në 9 minuta

D ihej që Olimpikosi nuk do të zbarkonte në “San Siro” për turizëm dhe për 70 minuta “Djalli” e kuptoi në kurrizin e tij. Skuadra e Gatuzos u duk se do t’i kthehej krizës, por me forcë dhe kthjelltësi diti të përmbysë një sfidë që paraqitej si rruga drejt ferrit. Nëntë minuta për të përmbysur dizavantazhin prej një goli dhe për të uzurpuar kreun e Grupit F. 3-1 për Milanin në “San Siro” dhe fitorja e dytë në katër ditë. Gatuzo mund të nisë të shijojë sukseset e një skuadre jo vetëm të talentuar, por edhe kompakte e me personalitet.

Shënon 9- a tjetër — Me mbështetjen e “vetëm” 22 mijë tifozëve, kuqezinjtë e nisin mirë sfidën teksa Bonaventura sheh t’i anulohet një gol nga Kastijeho. Spanjolli shtyn në rrjetë një top që po i drejtohej portës, por pozicioni jashtë loje i mohon avantazhin Milanit. Gëzimi i parë është për miqtë, të cilët në minutën e 14-të gjejnë golin me Guerreron, numri 9 i Olimpiakosit që “peshkohet” në zonë nga Kutris. Zapata bën spektatorin dhe grekët festojnë rrjetën.

Gatuzo reagon duke rreshtuar të tijtë me 4- 4- 2, ku Bonaventura zbret në krah ndërsa Kastijeho bëhet partner sulmi i Higuainit. Ekipi gjallërohet,

por Higuain shpërdoron një rast të pastër duke mos stopuar dot topin. Ai që rrezikon portën mike është Zapata, por goditja e kolumbianit përfundon mbi traversë.

Shkundje — Në pjesën e dytë, Rino mendon seriozisht për sulmuesin e dytë, atë të vërtetin.

Zëvendësimi i dyfishtë shkund ekipin, me Kutronen (në vend të Kastijehos) që i jep më peshë sulmit, ndërsa Çalhanoglu bën atë që nuk arriti të bënte Bonaventura. Suso dhe Rodrigez shërbejnë dy herë Kutronen, por nuk thonë kot “e treta e vërteta”, me bomberin e ri që dërgon në rrjetë një krosim të saktë të zviceranit. Djaloshi përsëritet pas nëntë minutash, për golin e tretë kuqezi, kur në shërbim të tij vihet Çalhanoglu. Në mes, goli i Higuain, ku asistuesi mban përsëri fanellën me numër 10 të Milanit.

EUROPIPITA — Pikërisht

rrjeta e argjentinasit përmbys sfidën. Pasimi i Çalhangolusë është i përpiktë, por driblimi i argjentinasit ndaj Sise meriton duartrokitje. Goli i katërt sezonal bëhet gjithashtu i katërti radhazi për “El Pipitën”. Gjithmonë e më shumë në qendër të kuqezinjve, 31- vjeçari bëhet

edhe më i nevojshëm në momentet kritike, madje duke arritur deri aty sa t’i “vjedhë” një goditje dënimi Susos. Mision i kryer, sidomos me dëmtimin që e ndaloi disa ndeshje dhe festë poshtë tifozërisë ultras së Milanit. Rikthimi i Gonzalos nuk mund të kishte qenë më pozitiv.