Berisha si qendërmbrojtës, kontrata bëhet pengesë
Tirana afroi Vincent Atingën për qendrën e mbrojtjes, megjithatë afrimet për këtë rol nuk do të mbyllen këtu. Veç ganezit, tashmë janë duke parë tregun shqiptar. Në krye të listës vazhdon të jetë Sedat Berisha, i cili është pjesë e Vllaznisë. Ai konsiderohet i duhuri për të mbaruar punë me këtë sektor, megjithatë pengesë mbetet kontrata. Mësohet se shkupjani ka edhe për një vit marrëveshje me shkodranët. 25vjeçari, i cili ka luajtur edhe një ndeshje me përfaqësuesen maqedonase, gjatë karrierës së tij ka luajtur me ekipe si Sloga Jugomagnat, Shkëndija e Tetovës, Metalurg Skopje dhe Fk Shkupi, ndërsa në 2015 pati edhe një përvojë të shkurtër te Bursaspor në Truqi, por pa marrë asnjë minutë. Ky "operacion" mund të konkretizohej vetëm nëse do dilte i lirë në treg. Kjo duket disi e vështirë, ndaj edhe përgjegjësit e merkatos së bardhebluve po studiojnë variantet më të mira që kanë në tavolinë. Ende nuk ka asgjë konkrete, por në rastin më të keq, nëse nuk gjejnë të duhurin, atëherë në ditë të vështira për qendrën mund të shfrytëzohet edhe Eni Imami, i cili ka ardhur me statusin e "xholit" në kryeqytet. Bardheblutë, veç të huajve, me shumë interes janë duke parë tregun maqedonas dhe atë kosovar, duke qenë se lojtarët që vijnë nga këto vende llogariten si vendës në Shqipëri. Rregulli i "ekstrakomunitarëve" i ka kushtëzuar ndjeshëm, ndaj shpresojnë që Komiteti Ekzekutiv të vendosë që minimalisht të lejohen 5 të tillë në fushë dhe jo 4. ka Tirana për qendrën e mbrojtjes, konkretisht të afruarin Vincent Atinga, si
edhe Marvin Turtullin, Klisman Caken dhe Alvaro Bishajn, të cilët ishin pjesë e grupit edhe sezonin e fundit.