Pike: Krenar për Spanjën dhe Botërorin

“Prej Roi Kinit desh mbusha pantallonat”

panja do të luajë sot ndaj Gjermanisë në një ndeshje miqësore, por që fare mirë mund të jetë edhe finalja e Botërorit të ardhshëm. Në konferencë për shtyp nga ekipi spanjoll, ka folur Zherard Pike, i cili në lidhje me ekipin përfaqësues, tha: "Shpesh bëj shaka me shokët, por ata janë vëllezërit e mi. Ne urrejmë klubet tona dhe njëkohësisht luajmë për të njëjtin vend, me të njëjtën ëndërr dhe që më bën të ndihem shumë krenar kur mendoj që isha pjesë e ekipit që u shpall kampion bote. Isha një djalë i vogël kur pashë Luis Enriken të gjakosur në Kupën e Botës 1994. Që nga ai çast, ëndrra ime ishte të luaja për kombëtaren, për të cilën jam shumë krenar sa herë që duhet ta përfaqësoj. Ndoshta fjalët e mia janë të papritura e megjithatë nëse shikoni televizionet madrilene normal që do të keni një tjetër ide mbi mua pasi ju kanë treguar një histori ndryshe. Shpesh thonë se jam tradhtar dhe se dua të shkatërroj vendin. E gjitha kjo ndodh sepse kam shprehur publikisht mbështetjen për të drejtën e popullit katalanas për të votuar në referendumin për pavarësinë".

ATMOSFERA- Pavarësisht asaj që thonë mediat, situata në brendi të kombëtares spanjolle duket ajo e zakonshmja me lojtarë që flasin dhe bëjnë shaka pa dallim mes njëri- tjetrit. Zherar Pike jo rrallë ka replikuar në distancë me shokët e tij te Spanja, sidomos ata të frontit madrilen, e megjithatë në konferencë ai gje-

ti kohë edhe për pak humor, teksa sqaroi: "Në ekip nuk flitet thuajse kurrë për politikë. Bëjmë shaka shpesh sepse ata më thonë se na huton çështja e Katalunjës, ndërsa unë i përgjigjem duke i thënë se rezultatet nuk vijnë kur humbet kohë duke u ankuar për arbitrat,

por e vërteta është se jemi miq dhe në skuadër nuk ka asnjë problem".

E KALUARA- Pike ka gjetur kohë edhe për një anekdotë lidhur me të kaluarën e tij te Mançester Junajtid, periudhë për të cilën tha: "Kam më shumë se gjysmën e jetës që

merrem me futboll. Jam 31 vjeç dhe kam pasur fatin të luajë më shumë yje të futbollit, si Mesi, Pujol, Nejmar dhe Roi Kin. Pikërisht në ndeshjet e mia të para me "Djajtë e Kuq" teksa ishim në dhomat e zhveshjes me ekipin, më ra telefoni. Diçka e tillë ishte e patolerueshme

dhe Roi Kin më hodhi një vështrim kërcënues. Gjithçka zgjati vetëm pak sekonda, por u tmerrova dhe për pak se nuk e bëra në mbathje. Përvoja të tilla të mësojnë shumë mbi ekipet e mëdha mënyrën se si punojnë dhe përqendrohen kampionët e vërtetë".