KOKSH nuk regjistrohet në gjykatë, Bezhani: Ja e vërteta
Në dyshim edhe legjitimiteti i veprimtarisë
Komiteti Olimpik Shqiptar nuk ësh të regjistruar ende në gjykatë. Pas zgjedhjeve që u zhvilluan në qershor të vitit të kaluar, “Panorama Sport” zbulon se një nga insitucionet më të rëndësishme sportive ende nuk është regjistruar në gjykatë, ashtu sikundër e kërkon edhe ligji. Janë të paqarta rrethanat, por fakt është se ky është një problem serioz sa i përket sportit në Shqipëri dhe zhvillimit të tij. LEGJITIMITETI
Sipas dispozitave të parashikuara në ligj, çdo institucion i rëndësishëm që ushtron aktivitetin në vendin tonë duhet të jetë i regjistruar me ligj. KOKSH, që duhet të japë edhe shembullin se si funskionojnë gjërat në sport, nuk ka mundur ende të regjistrohet. Natyrisht, zgjedhjet e fundit janë njohur formalisht edhe nga ministria e Arsimit Sportit dhe Rinisë, por që të bëhet certifikimi i tyre, ato duhet të regjistrohen në gjykatë. Zyrtarë të KOKSH- it nuk e pranojnë hapur mosregjistrimin, por nga ana tjetër thonë se vonesa ka ardhur për shkak të mungesës së dokumenteve. Mosregjistrimi i KOKSH-it në gjykatë vë në pikëpyetje serioze edhe legjitimitetin e këtij institucioni. Me të drejtë, anëtarët e Komitetit Olimpik mund të ngrenë zërin sot dhe të kërkojnë se përse nuk është regjistruar KOKSH në gjykatë dhe madje të pretendojnë se vendimet e marra deri tani mund të konsidero-
hen të pavlefshme. HESHTJA
Faktin që KOKSh nuk regjhistrohet prej shumë muajsh në gjykatë nuk e ka mbajtur të fshehur vetëm institucioni
në fjalë, por edhe disa nga federatat që aderojnë aty. Asnjë drejtues i ndonjë federate nuk ka ngritur zërin dhe të kërkojë transparencë për situatën e krijuar.