Reagon klubi korçar: Akuzën e dimë prej kohësh, por do t’ia dalim me sukses
"Jemi të sigurt, çështja do mbyllet me sukses. Ja nenet e kërkesës"
Analizë/ I pezulluan dhe pastaj i shpërblyen, dënimi i dytë do ishte... absurd
Tronditet kampionati, pesë skuadra shohin ëndrra me Champions
“Etika” e UEFA-s, ja kush është Komisioni që kërkon të fundosë Skënderbeun
“Leksione” nga Italia dhe gjyqi me FSHF-në, si pritet të mbrohen korçarët
Skuadra korçare ësh të vënë edhe një herë tjetër në qendër të opinionit publik sportiv dhe jo vetëm në vendin tonë. Dje, "Panorama Sport' publikoi ekskluzivisht një dokument, ku inspektorët e Etikës dhe Disiplinës, kërkojnë që klubi i Skënderbeut të dënohet me 10 vite përjashtim nga të gjitha kompeticionet e UEFAs. Menjëherë pas lajmeve të publikuara, klubi korçar, me anë të një reagimi zyrtar, ka sqaruar pozicionin e saj në raport me procesin ku korçarët janë të përfshirë. Në reagim, pranohet hetimi në vazhdim kundrejt korçarëve dhe se sektori juridik i klubit është njohur prej kohësh me këtë kërkesë.
REAGIMI
Duke marrë shkas nga lajmet më të fundit të publikuara sot në mediat sport- ive mbi ekzistencën e vendimit të UEFA-s për dënimin e klubit të Skënderbeut, Klubi i futbollit ' Skënderbeu' dëshiron të informojë opinionin publik, se nuk ka aktualisht ndonjë vendim të trupave gjykuese, disiplinore të UEFA- s për klubin e Skënderbeut.
Shpjegojmë se dokumenti i publikuar nuk është aspak vendimi përfundimtar, por kërkesa për gjykim e inspektorëve të Disiplinës së UEFA-s, drejtuar trupës së apelit, të Komisionit të Disiplinës dhe Etikës në UEFA. Duam të qartësojmë se ky është një apelim i inspektorëve ndaj vendimit të marrë pothuajse dy vite më parë, ndaj Skënderbeut në bazë të nenit 34(3) të statutit të UEFA-s dhe jo një çështje e re kundër klubit. Kjo procedurë është konform nenit 29/ 3 të Kodit të Disiplinës së UEFA- s, gjithashtu ju bëjmë me dije se kemi të bëjmë me një çështje disiplinore në proces, për të cilën nuk është caktuar ende një seancë dëgjimore. KF Skënderbeu është njohur me kohë me këtë akuzë të inspektorëve të Disiplinës. Sektori juridik i KF Skënderbeu po ndjek procedurat e nevojshme juridike për çështjen në fjalë dhe shprehim sigurinë tonë që çështja do të mbyllet me sukses", shkruhet në reagimin e bërë nga klubi i Skënderbeut.