Volejbolli, gati për një fillim të ri
“Volejbolli, ashtu si të gjitha sportet e tjera, për vite me radhë ka vuajtur braktisjen që i është bërë nga të gjitha qeveritë, financimin minimal, mungesën e investimeve në infrastrukturë, shkatërrimin e shumë klubeve që kanë shkruar historinë e kësaj l
Koha e Ballkaniadës së volejbollit të femrave në fundin e viteve '80, shkëlqimi i Dinamos që shkonte tri herë mes katër më të mirave të kontinentit, apo ajo e meshkujve në vitet '70 i ngjanin një relikeje, që ngjallte vetëm nostalgji. E gjithë pjesa tjetër ishte një zbrazëtirë e madhe, probleme të panumërta dhe betejë e ashpër...
Koha e Ballkaniadës së volejbollit të femrave në fundin e viteve '80, sh këlqimi i Dinamos që shkonte tri herë mes katër më të mirave të kontinentit, apo ajo e meshkujve në vitet '70 i ngjanin një relikeje, që ngjallte vetëm nostalgji. E gjithë pjesa tjetër ishte një zbrazëtirë e madhe, probleme të panumërta dhe betejë e ashpër për mbijetesë. Falë një pasioni të madh, sporti që i ka bërë krenarë shqiptarët, që ka lënë gjurmë në garat ndërkombëtare, së fundmi ka dhënë shpresa për një fillim të ri. Ndonëse vështirësitë mbeten të panumërta, paraqitjet e Kombëtares së femrave dhe veçanërisht të meshkujve kanë rikthyer besimin te komuniteti i këtij sporti, te tifozët e tij, por mbi të gjitha te të rinjtë se shumë shpejt Shqipëria mund të rikthehet konkurruese në këtë sport.
Nëse Kombëtarja e femrave nuk arriti të ngjiste një shkallë më shumë krahasuar me një vit më parë, një shans i artë është për meshkujt. Skuadra e drejtuar nga Jani Melka, me paraqitjet e bëra në ndeshjet e luajtura në Shkup, dëshmoi rritje të nivelit të treguar edicionin e kaluar, më shumë kimi mes sportistëve dhe elementë të volejbollit modern. Një lojtar klasi si Gazmend Husaj apo eksperienca e Xhelatit dhe Shurdhit, vrulli i të rinjve Koci, Qafarena, Deliu dhe Bashi, siguria që japin Kola dhe Mandia janë një garanci se gjithçka ndodhi në kryeqytetin maqedonas nuk ishte e rastësishme. Një skuadër që ka një moshë mesatare të re dhe shumë premtuese dhe, mbi të gjitha, një shtatlartësi të admirueshme janë garanci për një të ardhme të sigurt. Prova e madhe do të jetë këtë fundjavë në Tiranë, ku në duelet kundër Azerbajxhanit, Suedisë dhe Maqedonisë do të tentohet kualifikimi për në katër më të mirat e Europa League. Dy fitoret e arritura në ndeshjet e para dhe objektivi i rëndësishëm që është në garë është një ftesë për tifozët e volejbollit për të qenë prezent në pallatin e ri të sportit për t'i mbështetur këta djem në një moment kyç, jo thjesht për çështjen e kualifikimit, por mbi të gjitha për nisjen e një epoke të re për këtë sport.
Volejbolli, ashtu si të gjitha sportet e tjera, për vite me radhë ka vuajtur braktisjen që i është bërë nga të gjitha qeveritë, financimin minimal, mungesën e investimeve në infrastrukturë, shkatërrimin e shumë klubeve që kanë shkruar historinë e kësaj loje dhe puna e pakët me ekipet e moshave kanë bërë që të vihej në dyshim deri edhe ekzistenca e tij. Në këtë pikë, paraqitjet e ekipeve tona kombëtare, veçanërisht të meshkujve, mund të shërbejnë për të pasur një fillim të ri, ku për shumë fëmijë të mos krijohen modele vetëm nga futbolli, por edhe nga sporti i volejbollit, ku palestrat të mbipopullohen nga praktikantë të kësaj loje dhe bashkitë ta kenë në prioritetet e tyre rikonstruksionin e pallateve të sportit apo ndërtimin e sallave të reja për këtë sport, në mënyrë që shumë shpejt të kemi një numër të lartë ushtrues të volejbollit dhe rrjedhimisht nëpërmjet një pune më profesionale edhe më shumë cilësi. Sepse një sport që ka një traditë të shkëlqyer në vendin tonë dhe admirues të shumtë të tij edhe një triumf i vetëm, siç pritet të na dhurojë Kombëtarja e meshkujve, mund ta ndihmojë për ta rikthyer në shinat e duhura për një udhëtim të ri dhe të pandalshëm drejt sukseseve të reja.