Mrekulli e Bostonit, rihap finalen e Lindjes
Surpriza vjen në finalen e tretë të Konferencës së Lindjes. Boston Sëlltiks ka liderin e saj Tomas fitoi 108-111 në Klivlend dhe shënon pikën e parë në këtë seri. Një superndeshje për skuadrën e drejtuar nga trajneri Stivens, edhe pse në fundin e pjesës së parë ishin në disavantazh 50-66. Përcaktuese e mbrëmjes ishte trepikëshi i Bredli "in extremis". Tashmë Sëlltik rihap finalet në 2-1 dhe duhet edhe e pesta për të kurorëzuar zyrtarisht "mbretëreshën" e Konferencës së Lindjes. LeBron Xhejms ka qenë në hije në këtë ndeshje, vetëm 11 pikë të shënuara prej tij. Boston është ende gjallë. Edhe pse pas periodës së dytë u duk një goditje sa i përket rezultatit final dhe moralit të skuadrës mike, ndodhi e kundërta. Sëlltik dëshmuan se nuk ishin dorëzuar ende, ndonëse të privuar nga potenciali i Tomas. Ndeshja nis me një "arratisje" të të zotëve të shtëpisë që e mbyllën periodën e parë në shifrat 35-24, për ta thelluar avantazhin edhe në periodën e dytë e fituar po nga ata 31-26. Përkohësisht kampionët në fuqi të NBA-së udhëhiqnin në +16 pikë. Edhe në fillimin e periodës së tretë historia duket se është e shkruar. Në "Quicken Loans Arena" janë Kiri Irving dhe Kevin Lav, të cilët të dy së bashku regjistrojnë 57 pikë, 10 asiste dhe 12 topa në tabelë. Ndërsa tabela elektronike tregon një epërsi komode të skuadrës së Ohajos në +21 pikë, Bred Stivens u detyrua të sinjalizojë një "time out". Dhe nga ai moment ndeshja merr një rrjedhë krejt tjetër. Në fundin e periodës së tretë Boston ngushton shifrat në -5 pikë, 87-82. Dhe ky ishte preludi i përmbysjes së madhe që e lejoi Sëlltiks edhe të fitonte krejt finalen 111-108. Por epilogu ka qenë për "infarkt". Ndërsa kishin mbetur vetëm katër sekonda nga fundi i finales, Bredli provon për tri pikë. Topi prek hekurin dhe përfundon në kosh në të mijtën e sekondës. Boston Sëlltiks me këtë fitore ngushton ndaj Kavaliers në 2-1. Një triumf pa xhevahirin e tyre, për shkak të një problemi fizik që, me shumë gjasa, do ta mbajë jashtë "play off"-it.