Beleri, drejt lirimit të përkohshëm. Pritet leja për betimin si eurodeputet

U zgjodh nga “Demokracia e Re”, mediat greke: Beleri siguron lejen për të marrë pjesë fizikisht në betimin e tij në Parlamentin Europian

Fredi Beleri do të lirohet përkohësisht nga burgu, për të shkuar në Strasburg, ku do të bëjë betimin si eurodeputet. Lajmi për lirimin e tij të përkohshëm është konfirmuar për “News 24” nga kreu i PBDNJsë, Vangjel Dule.

Mësohet se Beleri do të udhëtojë të hënën në mëngjes nga Tirana në drejtim të Strasburgut, ku do të bëjë edhe betimin si eurodeputet i Demokracisë së Re në Greqi. Por, kjo është mohuar nga Drejtoria e Burgjeve, e cila në një reagim thotë se leja për Fredi Belerin nuk është konfirmuar. Më herët gjatë ditës së djeshme, media greke “Protothema” shkruan se, “pas presioneve dhe kundërshtimeve nga autoritetet shqiptare, Fredi Beleri mori lejen për të shkuar në Strasburg dhe për t’u betuar si deputet i Parlamentit Evropian. Ai do të fluturojë mëngjesin e së hënës për në Athinë, i cili do të jetë një stacion i ndërmjetëm dhe nga Athina do të shkojë në Strasburg. Ai pritet të mbërrijë në aeroportin “Eleftherios Venizelos” në orën 12: 30. Më pas, ai do të shkojë në Strasburg për të marrë detyrën si deputet i Parlamentit Evropian gjatë seancës hapëse plenare të Parlamentit Evropian dhe për të marrë pjesë në zgjedhjet për kryetarët e Parlamentit Evropian dhe Komisionit, sipas informacioneve”. Kujtojmë se Fredi Beleri është njëri nga eurodeputetët e Demokracia e Re, partisë së Kryeministrit grek Kyriakos Mitsotakis në Parlamentin Europian, pjesë e grupimit të EPP- së. Pak ditë më parë ai i bëri një kërkesë Drejtorisë së Përgjithshme të Burgjeve për të lejuar pjesëmarrjen e tij fizikisht në mbledhjen e PE, që do të mbahet më 15 korrik. Beleri është dënuar nga Apeli i GJKKO- së me 2 vjet heqje li

rie me akuzën e korrupsionit zgjedhor, pasi u arrestua nga policia dy ditë para zgjedhjeve të 14 majit 2023. Gjithsesi, arrestimi nuk e pengoi Belerin që të fitonte Bashkinë e Himarës, por detyrën e kryebashkiakut nuk arriti ta ushtronte, pasi nuk u lejua nga shkallët e

gjyqësorit shqiptar që të betohej para Këshillit Bashkiak, sikundër përcaktohet në ligj. Tashmë Beleri ka humbur funksionin si kryebashkiak i zgjedhur për shkak të ligjit të dekriminalizimit dhe në 4 gusht do të zhvillohen zgjedhjet e pjesshme në Bashkinë e Himarës. Para disa ko

hësh, pas një procesi me dritëhije, Gjykata e Posaçme e gjeti të drejtë kërkesën e SPAK- ut dhe shpalli fajtor kryebashkiakun e zgjedhur të Himarës për korrupsion në zgjedhje, pavarësisht pretendimeve të mbrojtjes për proces të parregullt dhe të ndikuar politikisht.