Policia prapëson në Rinas dy shtetas nga Bangladeshi me dokumente false
Policia Kufitare në Rinas ka shtuar kontrollet për parandalimin dhe goditjen e paligjshmërisë në fushën e falsifikimit të dokumenteve dhe atë të dhënies ndihmë për kalim të paligjshëm të kufirit. Si rezultat i këtyre kontrolleve, janë prapësuar në Rinas dy shtetas nga Bangladeshi, të cilët tentuan të hynin në Shqipëri me dokumente të falsifikuara. Gjatë muajit shtator janë prapësuar 35 shtetas, kryesisht nga Bangladeshi dhe nga Turqia, me viza të falsifikuara. Po përgjatë muajit shtator 2021, si rezultat i masave të shtuara në kufi për kontrollin e kufirit dhe goditjen e paligjshmërisë,
SHTETAS kryesisht nga Bangladeshi dhe nga Turqia me viza të falsifikuara janë prapësuar nga Policia Kufitare në aeroportin e Rinasit gjatë muajit shtator si rezultat i masave të shtuara për kontrollin e udhëtarëve janë evidentuar 15 raste të falsifikimit të letërnjoftimeve, pasaportave ose vizave dhe “Falsifikim i dokumenteve”, 5 prej tyre për falsifikim të tamponëve të Covid-it. Gjithashtu është evidentuar dhe 1 rast “Falsifikim i dokumenteve shëndetësore” dhe 4 raste për veprën penale “Falsifikim i vulave, i stampave ose i formularëve”. “Në këto vepra janë implikuar 21 autorë, nga të cilët 8 autorë janë arrestuar në flagrancë, 13 autorë janë proceduar në gjendje të lirë. Gjithashtu janë sekuestruar në cilësinë e provës materiale: dokumentet, 15 pasaporta, 18 karta identiteti, 13 leje qëndrimi, 8 patenta, 6 karta shëndeti, 6 viza elektronike. Gjithashtu, nga kontrolli i ushtruar në hyrje të RSH për muajin shtator 2021, janë kapur në hyrje: një shtetas me pasaportë të falsifikuar dhe 2 shtetas me karta identiteti të falsifikuara. Personat që i posedonin këto dokumente nuk janë lejuar të futen në Shqipëri, janë prapësuar Inad në vendin e origjinës”, tha dje zyrtarisht Policia.