PS nuk vjen, kaos edhe te komisionet e PD-së
Komisioni i Jashtëm mblidhet online nga zyra e kryetares, Tomor Alizoti: “Ikona e modës shqiptare” ka frikë nga përballja
Maxhoranca nuk pranoi t’u jepte fjalën deputetëve të opozitës që ishin në sallë në Komisionin e Ligjeve dhe Sigurisë, ndërsa në mbledhjen e
Komisionit të Shëndetësisë nuk morën pjesë. Në sallën ku u mbajt mbledhja e Komisionit të Shëndetësisë ishin të pranishëm vetëm deputetët e opozitës, ndërsa mungonin përfaqësuesit e maxhorancës. Kjo mbledhje për asnjë çast nuk u bë pjesë e platformës së Kuvendit për transmetim në faqet online. Mbledhja që u drejtua nga Albana Vokshi dhe nga pakica është ‘censuruar’ nga faqja e Kuvendit në “Facebook”. Materiali i mbledhjes është shpërndarë nga Partia Demokratike, ndërkohë që Kuvendi i ka zhdukur pamjet nga faqet online. Sipas PD-së, mbledhja u ndërpre nga transmetimi edhe në TVSH. Mbledhjet e komisioneve parlamentare online kanë rezultuar një dështim që në seancat e konstituimit, pasi deputetët e opozitës nuk janë inkuadruar nga regjia e Kuvendit, e cila sipas projektit të dixhitalizimit, do të garantonte transparencë maksimale. Opozita ka qenë prezente fizikisht edhe në sallën e Komisionit të Politikës së Jashtme, për të marrë pjesë në mbledhjen e konstituimit, por ashtu siç ishte parashikuar nga maxhoranca, kryetarja e Komisionit, Mimi Kodheli, e zhvilloi mbledhjen e komisionit online nga zyra e saj. Për të shmangur debatet dhe përplasjen me deputetët e opozitës, znj. Kodheli e drejtoi për 1 orë e 36 minuta nga zyra e saj, ndërsa socialistët ishin prezentë online. Partia Demokratike, përmes një interviste të dhënë nga nënkryetari i Komisionit, Tomor Alizoti, e cilësoi vendimin për mbajtjen e mbledhjeve të komisioneve online si thyerje të Rregullores. Teksa shpreh trishtimin për mungesën e jetës parlamentare në vend, Alizoti ironizoi me Kryeministrin Rama duke thënë se është e tmerrshme për këtë vend që “ikona e modës shqiptare” ka frikë nga përballja. “Është absurde që Komisioni i Jashtëm, në pikën më të rëndësishme të kombit shqiptar, ku tanket serbe janë në kufi, ku sot është edhe vizita e Ursula von der Leyen, në situatën kritike të politikës së jashtme, Komisioni Parlamentar i Politikës së Jashtme mblidhet online, pra, mblidhet nëpërmjet telefonave, mblidhet nëpërmjet selfie-t. Kur e gjithë Shqipëria është e hapur, kur kafet janë plot, kur koncertet nga bota sllave vijnë dhe këndojnë në Shqipëri, me mijëra njerëz të cilët konsumojnë edhe alkool, Shqipëria sot dhe kombi shqiptar që ka një sfidë të madhe, ku ka lënë Kosovën
Lëvizja Socialiste për Integrim duket se nuk ka një qëndrim të prerë për mënyrën e mbajtjes së komisioneve parlamentare. Kjo pasi përfaqësuesit e saj në komisione morën pjesë në dy mënyra të ndryshme. Sipas kryetares së Komisionit të Ligjeve, Klotilda Bushka, deputetja e LSI-së Erisa Xhixho ishte prezente online në këtë komision, pavarësisht se në asnjë moment ajo nuk u shfaq në ekranin e deputetëve. Mënyra e pjesëmarrjes së saj është sipas praktikës që po ndjek maxhoranca, mbledhje online, sipas edhe vendimit të Konferencës së Kryetarëve. Nga ana tjetër, Petrit Vasili, përfaqësuesi i LSI-së në Komisionin e Shëndetësisë që drejtohet nga opozita, ishte prezent në sallë, duke ndjekur shembullin e pakicës. Këto dy prezenca në mënyra të ndryshme tregojë se LSI ende nuk e ka marrë një vendim se cilën palë do të ndjekë në këtë çështje. vetëm, ku diskutohet vetëm Open Balkan, për influencat e Serbisë, kur influencat ruse janë afër Ballkanit, Komisioni i Jashtëm është online. Është me telefona. Ne ishim fizikisht dhe nuk patëm mundësi të komunikonim me njëri-tjetrin, të komunikonim me kolegët tanë, të kuptonim mbi sfidat e politikës së jashtme, mbi sfidat e këtij vendi, është absurde, është e turpshme që kjo Republikë Parlamentare s’ka asnjë tipar parlamentar. Ky shtet është kthyer në një teatër kukullash. Është keq për vendin, ndihem shumë i shqetësuar bashkë me kolegët e mi që nuk kemi mundësi të mbrojmë interesat e vendit tonë, interesat e Shqipërisë, interesat e opozitës. Por fakti që Kryeministri, ‘ikona e modës shqiptare’, ka frikë nga përballja, është e tmerrshme për këtë vend. Ndihem shumë i trishtuar që ne nuk kemi jetë parlamentare”, tha deputeti Alizoti.