Udhëzimi i ri, kushti për të larguar drejtorët e shkollave
Risia, drejtuesit e larguar kanë përparësi në punësim
Asnjë drejtues shkolle nuk mund të lërë detyrën ose të hiqet nga puna nëse nuk i është siguruar më parë një vend si mësues.
Dhe nuk bëhet fjalë për një vend pune të përkohshëm, por me ngarkesë të plotë e madje brenda së njëjtës zyrë arsimore vendore ku bën pjesë. Një gjë e tillë është rregulluar nga Ministria e Arsimit përmes një ndërhyrjeje në udhëzimin nr. 13 për punësimin e mësuesve, datë 22.05.2019. "Drejtuesit e drejtorive rajonale të arsimit parauniversitar nuk mund të pranojnë kërkesat për dorëheqje të drejtorëve dhe nëndrejtorëve të institucioneve arsimore, pa i sistemuar më parë në vende pune të lira dhe me ngarkesë të plotë, brenda së njëjtës zyrë vendore të arsimit parauniversitar, me përjashtim të rasteve, kur drejtorët apo nëndrejtorët largohen nga sistemi arsimor sipas kuadrit ligjor në fuqi, nuk kanë pesë vite eksperiencë punë si drejtor/ nën
MIJË mësues pritet të rekrutohen përgjatë këtij viti arsimor. Qeveria ka ndarë veç fondin për punësimin e tyre në rast nevoje gjatë periudhës së pandemisë drejtor apo mësues, apo nuk plotësojnë kriteret ligjore për të qenë mësues", përcaktohet në shtesën e udhëzimit, i cili shton ndër të tjera se këto raste, trajtohen me përparësi e madje, mund të bëhen në çdo periudhë të vitit, jo vetëm në muajt e verës. Thënë shkurt, një drejtor a nëndrejtor i larguar që kërkon të punësohet si mësues trajtohet përjashtimisht nga mësuesit e tjerë në pritje për punë. Ai mund të punësohet në vendin e parë vakant që hapet, edhe pse nuk ka qenë pjesë e portalit. "Rastet e dorëheqjeve të drejtorëve dhe nëndrejtorëve të institucioneve arsimore, me kërkesën për sistemim si mësues, i paraqiten menjëherë komisionit të lëvizjeve paralele në zyrën vendore të arsimit parauniversitar, gjatë apo ndërmjet viteve mësimore, komision i cili ia propozon kërkesat drejtorit të institucionit arsimor ku lirohet vendi më i parë i punës". Por ndryshe nga mësuesit e tjerë të renditur në portalin e punësimit "Mësues për Shqipërinë", të cilët mund të refuzojnë vende pune pafundësisht deri në gjetjen e më të përshtatshmit, ish- drejtuesit e shkollave që largohen kanë një limit ofertash që mund t'u thonë "JO". "Drejtorët dhe nëndrejtorët që kanë paraqitur kërkesën për dorëheqje, nuk mund të refuzojnë më shumë se tri vende pune si mësues, të propozuara nga komisioni dhe emërimi u bëhet pa afat, nga drejtori i institucionit arsimor përkatës", thuhet në udhëzimin e ndryshuar në datë 8 tetor. Në fillim të këtij viti shkollor, qindra vende drejtuesish u rishpallën për të disatin vit të lira pasi kishin vite që drejtoheshin nga persona të komanduar që prej 2015- ës. Certifikimi nga shkolla e drejtorëve është kushti i ri për të ruajtur vendin e punës apo për ata që garonin në këto poste.