Kartat e pasaportat, aplikimi nis javën që vjen
Lleshaj: Do jetë në dispozicion një aplikacion për oraret
Rinis procesi i pajisjes me dokumente biometrike, aplikimi vetëm pas rezervimit të orarit. Të gjithë qytetarët mund të tërheqin kartat e identitetit dhe pasaportat e prodhuara tashmë, si dhe mund të aplikojnë për dokumente të reja biometrike nga java e ardhshme, u shpreh ministri i Brendshëm, Sandër Lleshaj, në një prononcim të bërë në lidhje me këtë çështje, duke u dhënë kështu zgjidhje fluksit të kërkesave për këto dokumente. Në të gjitha pikat e shpërndarjes dhe aplikimit, qytetarët mund të paraqiten pas rezervimit të një orari takimi në adresën që do të bëhet publike. "Ka filluar shpërndarja e pasaportave dhe kartave të identitetit. Tërheqja e tyre mund të kryhet vetëm pasi qytetarët të njoftohen nga zyra përkatëse, ose pasi të interesuarit të lënë një takim paraprak për këtë qëllim. Po ashtu, kanë filluar aplikimet e reja për kartat e identitetit dhe pasaportat e udhëtimit. Nga fillimi i javës së ardhshme, aplikimet do të bëhen vetëm pasi personat e interesuar të marrin një orar paraqitjeje pranë zyrave përkatëse të Komisariateve të Policisë dhe atyre të aplikimit. Orari i aplikimit për të dyja dokumentet do të përcaktohet në portalin e Ministrisë së Brendshme. Me masat, një hap tjetër drejt lehtësimit të shërbimeve publike, i cili do të shoqërohet me masat e nevojshme të sigurisë ndaj COVID- 19", njoftoi dje Ministria e Brendshme. Gjatë ditës së djeshme, ministri i Brendshëm Sandër Lleshaj, i shoqëruar edhe nga zv. ministrja, Rovena Voda, sqaroi nisjen e procesit të aplikimit, duke theksuar se gjatë kësaj periudhe ka vazhduar edhe shpërndarja e pasaportave dhe kartave të identitetit të
JAVE
zgjati shpërndarja e kartave dhe pasaportave, proces që ishte bllokuar në fillim të marsit, për shkak të situatës nga COVID- 19, 2 javë me fashë orare të reduktuar dhe gjatë dy javëve të fundit, orari u zgjat nga ora 08: 00 deri në orën 16: 00 prodhuara për qytetarët. "Ka pasur shumë pyetje dhe kërkesa nga qytetarët, të cilët ende nuk janë informuar, ndaj dua të shfrytëzoj këtë mundësi sot për të thënë që të gjithë ata, që kanë aplikuar për një kartë apo pasaportë, mund të paraqiten për tërheqjen e saj, pasi të lënë orarin përkatës të takimit me zyrat e shpërndarjes së këtyre dokumenteve. Ndërkohë që ka filluar aplikimi për karta ID dhe pasaporta të reja, aplikim i cili kryhet pranë zyrave të koncesionarit dhe pranë zyrave të Komisariateve të Policisë. Dua të theksoj që për të evituar radhët dhe për të evituar mundësinë e infektimit me virusin COVID19 është menduar që aplikimi të bëhet vetëm pas caktimit të orarit përkatës të kohës së paraqitjes së qytetarëve pranë zyrave të aplikimit", u shpreh dje ministri Lleshaj. Ai tha se, duke filluar nga java tjetër, do të jetë në dispozicion një aplikacion, i cili u mundëson qytetarëve, të aplikojnë duke caktuar paraprakisht orarin e paraqitjes pranë zyrës përkatëse, në Komisariatin e Policisë apo pranë koncesionarit ku aplikohet për pasaporta. "Theksoj edhe njëherë se është e rëndësishme që paraqitja pranë zyrave të bëhet vetëm pasi është bërë aplikimi dhe pasi është marrë orari përkatës, përndryshe nuk do të ofrohet shërbim, pa këtë kusht të plotësuar", tha Lleshaj.