Punësimi i mësuesve, vendet e lira në Tiranë e Durrës
Vetëm në Qarkun e Tiranës dhe Durrësit, 186 vende punësimi
Dy javë pas rankimit të mësuesve që janë në pritje për t’u punësuar, Zyrat Arsimore Vendore kanë bërë publike vendet e lira në shkolla. Në faqet zyrtare përkatëse, Tirana qark, Tirana qytet dhe Durrës mund të gjenden lehtësisht listat e vendpunësimeve, si ato me kontratë pa afat dhe provizore, në tri zyrat më të mëdha rajonale. Shifrat e para flasin për 186 mundësi për punë të dedikuara për më të mirët e portalit. Këtë vit është portali dhe jo Zyra Arsimore Rajonale, ai që sinjalizon direkt me e- mail mësuesin e parë të profilit në rang zone. Ky i funPërafërsisht, 1300 deri në 1400 vende pune lirohen çdo vit me largimin apo daljen në pension të mësuesve të vjetër, si dhe largimet me lejet e lindjeve apo raporteve shëndetësore. Sipas të dhënave të Ministrisë së Arsimit, në pesë vitet që prej se funksionon portali, janë punësuar mbi katër mijë dit duhet të kthejë përgjigje brenda 24 orëve, duke u paraqitur pranë shkollës përkatëse. Mosinteresimi i tij merret si refuzim dhe i shkon si mundësi të dytit në radhë për profilin e kërkuar të mësuesisë. Ndryshe nga vitet e kaluara, që kur nisi zbatimin punësimi sipas portalit, mundësitë që një kandidat të refuzojë një vend pune janë pafundësisht dhe jo tri. Sipas ministrisë, më i miri duhet të ketë gjithnjë mundësinë e zgjedhjes së vendit të punës dhe të presë deri në hapjen e vendit që dëshiron. Kështu që, për çdo vend vakant ai do të vijojë të njoftohet deri në punësimin e tij, kur emri hiqet nga renditja dhe aplikimi i tij quhet i suksesshëm. Dhe ç’është më e rëndësishme, të punësuarit nuk do të vihen më në provë 1- vjeçare, por emërohen direkt nga drejtori i shkollës dhe ngarkohet me orë të plota mësimore. Që prej se kanë nisur punësimet përmes “Mësues për Shqipërinë”, portali ka rezultuar i suksesshëm për mijëra mësues. Vetëm këtë vit kanë garuar rreth gjashtë mijë mësues, për 1300- 1400 vendet e lira që hapen çdo vit.