Moscovici: Për buxhetin e Italisë mund të aplikohen sanksionet
Ngjarja kryesore në Europë duket se është bërë tashmë buxheti i Italisë për vitin 2019, me gjithë sfidën ndaj drejtuesve të BE- së që po paraqesin udhëheqësit e qeverisë së re italiane. Qeveria e drejtuar nga Giuseppe Conte dhe e formuar nga bashkimi i skajeve politike të së djathtës dhe së majtës në Itali, po përpiqet të respektojë një premtim shumë të rëndësishëm elektoral, duke shtuar ndihmën e shtetit për qytetarët italianë në nevojë dhe duke anuluar reformën e pensioneve të miratuar nga qeveritë e mëparshme italiane. Por kjo do të thotë se deficiti i Italisë do të rritet nga 0.8 për qind i GDP- së që ishte parashikuar në llogaritjet e mëparshme, në 2,4 për qind. Edhe pse është larg limitit tre për qind që ka vendosur BE- ja për vendet e eurozonës, sërish lëvrija ka shkaktuar shqetësime në BE. Për herë të parë në historinë e tij, Komisioni Europian mund të vendosë sanksione mbi Italinë si një mjet i fun- dit nëse nuk arrijnë një marrëveshje mbi buxhetin. "Brukseli dëshiron ta shmangë këtë mundësi", tha komisioneri i ekonomisë së BE- së të martën. Muajin e kaluar Komisioni e refuzoi buxhetin e Italisë, duke thënë se ai ishte në kundërshtim të hapur me rregullat fiskale të Bashkimit Europian dhe mund të rriste më tej grumbullimin e madh të borxhit publik të vendit. "Nuk isha në favor të sanksioneve. Sanksionet janë gjithmonë një dështim", tha Pierre Moscovici para një takimi të ministrave të Financave të BE- së. Por, kur u pyetën për Italinë, ekonominë e tretë më të madhe të eurozonës, ai shtoi: "Unë dua një dialog, por sanksionet mund të aplikohen në fund nëse nuk mund të arrijmë një marrëveshje". Moscovici tha se asnjë vendim nuk ishte marrë ende se si të vazhdojë, sepse Italia ende kishte një javë për të ndryshuar planet e saj buxhetore përpara një afati të 13 nëntorit.