Rusia nis festën me spektaklin e Uilliams
Ishte Lenini në statujë, jashtë stadiumit "Luzhniki". Ishte Putin, prej mishi dhe gjaku në tribunë. Kishte 80 mijë persona prej të paktën 100 kombësish të ndryshme në tribuna. Ishte Kupa e Botës, e sjellë nga Iker Kasijas dhe nga modelja ruse Natalia Vodianova me një valixhe "Louis Vuitton". Dhe pastaj ishin Ronaldo dhe Robi Uilliams, dy yjet e popit ( sopranoja Aida Garifulina do të na falë) në ceremoninë e hapjes së edicionit të 21- të të Botërorit në Rusi.
S'ka festë - Ashtu siç ishte lajmëruar, ishte një festë e shkurtër, fine, jo me shumë koreografi të ngarkuar dhe e përqendruar te spektakli muzikor: shumë pak kujtesa historike. Putin e "pastroi" gjerësisht nga e shkuara, edhe nga ajo sovjetike dhe këtu kërkon mbi të gjitha të ofrojë një imazh të një vendi modern, jashtë atij të një su- perfuqie të izoluar dhe vendosur në vështirësi nga sanksionet perëndimore pas aneksimit të Krimesë. Robi Uilliams këndoi katër nga hitet e tij, duke nisur me "Let me entertain you" dhe e mbyllur me "Rock Dj". Dhe në fund të festës i çuditi të gjithë, duke i nxjerrë gishtin e mesit kamerës që po e shoqëronte. Dhe humori i anglezëve nuk mungoi. Dele Ali, i cili u akuzua kohë më parë se i tregoi gishtin e mesit arbitrit, u ironizua nga shoku i tij i skuadrës, Kajl Uoker, i cili postoi një foto të Robit me diciturën: "Sa bukur nga Robi, për t'i thënë ç'kemi Dele Alit". Ra në sy mungesa e "Party like a Russian" ( Festo si një rus), por këngë që i referohet atij që "rrëmben të gjitha paratë nga një vend" dhe një "Rasputin modern" nuk është më shumë i pëlqyer nga këto anë.