BE financon trajnimin e studentëve të “Luarasi”
Xhepa: Përzgjodhëm këtë universitet, ndër më prestigjiozët
Për tri ditë radhazi, studentët e Fakultetit të Drejtësisë te Kolegji Universitar "Luarasi" ishin pjesë e një trajnimi të financuar nga Bashkimi Europian.
"Standardet e procesit të rregullt ligjor si kusht në funksionimin e shtetit të së drejtës" ishte tematika e trajnimit, ku veç të tjerash u fol për procesin e promovimit të standardeve të lirive dhe të drejtave të njeriut në Shqipëri, si pjesë e pandarë e konsolidimit të shtetit të së drejtës. Gjatë tri ditëve të trajnimit të organizuar nga Qendra Europiane në bashkëpunim me Fakultetin e Drejtësisë te "Luarasi", u cekën disa parime kryesore si: aksesi në gjykata, kohëzgjatja e procedimeve, pavarësia e paanësia e gjyqësorit dhe barazia e armëve. Për përgjegjësen e Departamentit të së Drejtës Publike, Dr. Dorina Gjipali, ky trajnim është pjesë e formimit të vazhdueshëm të studentëve në auditorët e Kolegjit Universitar, duke thelluar njohuritë si juristë të së ardhmes mbi Stan- dardet Europiane për të Drejtat e Njeriut. "Fokusohemi në nenin 6 të Konventës Europiane për të Drejtat e Njeriut për standardet e procesit të rregullt ligjor, si një nen shumë i rëndësishëm për garantimin e një procesi të rreg- ullt ligjor në 47 vendet e Këshillit të Europës. Për Fakultetin e Drejtësisë te Kolegji Universitar "Luarasi", është i rëndësishëm jo vetëm për formësimin në auditor i studentëve, por dhe trajnimi i tyre gjatë tre viteve të studi- meve. Trajnim, i cili në këtë rast i pajis studentët me një certifikatë shumë të rëndësishme që lëshohet nga Qendra Europiane për një projekt të financuar nga Bashkimi Europian". Trajnimin e udhëhoqi drejtorja ekzekutive e Qendrës Europiane, PhD. Ina Xhepa, e cila trajtoi para studentëve rëndësinë e Konventës Europiane për të Drejtat e Njeriut, rolin, mënyrën dhe procedurat e funksionimit të Gjykatës Europiane së të Drejtave të Njeriut, duke marrë raste konkrete nga jurisprudenca e kësaj gjykate. Xhepa rrëfen arsyen përse qendra që drejton zgjodhi pikërisht "Luarasin" për të ndarë këto dije të thelluara. "Kemi përzgjedhur ' Luarasin' si një ndër universitetet më prestigjioze të arsimit të lartë në Shqipëri për të trajnuar studentët mbi të drejtat dhe liritë themelore të njeriut", nënvizon drejtorja ekzekutive e qendrës. Më të ekzaltuar për këtë privilegj janë studentët, të cilët pohojnë se cekja e këtyre tematikave konkretisht, i ndihmon shumë në rrugën e tyre të dijes. "Ne, studentëve të vitit të parë, na jep shumë mundësi të reja ky trajnim. Realisht i kemi studiuar edhe më parë këto tema, por në praktikë ato janë edhe më të prekshme", rrëfen një studente e "Luarasit". Pjesë e trajnimit ishin rreth 30 studentë të Fakultetit të Drejtësisë, të cilët në përfundim u pajisën edhe me certifikata.