ANALIZA E TE ARDHURAVE
Ditën e sotme në orën 10: 00 do të mbahet seanca dëgjimore në Komisionin e Pavarur të Kualifikimit për gjyqtarin e Apelit të Durrësit, Besim Trezhnjeva.
Ai është gjyqtari i radhës që i nënshtrohet rivlerësimit dhe një ndër 14 kandidatët për Këshillin e Lartë Gjyqësor, institucioni që do të zëvendësojë pas reformës KLD- në. Trezhnjeva, ashtu sikurse edhe gjyqtarja e Kushtetueses që e kaloi vetingun, Vitore Tusha, ka një karrierë të gjatë në sistemin e drejtësisë. Ai ka qenë më parë kryetar i Gjykatës së Apelit të Shkodrës dhe anëtar i Këshillit të Lartë të Drejtësisë. BIRN ka bërë një analizë të thelluar të pasurisë së tij, e cila është një ndër tri shtyllat e rivlerësimit për gjyqtarët, krahas integritetit të figurës dhe aftësive profesionale. Bazuar në raportin e prodhuar nga BIRN pas administrimit të deklaratave të Trezhnjevës nga ILDKPKI, del se gjyqtari zotëronte një pasuri familjare me vlerë 9.1 milionë lekë në vitin 2003, ndërsa në vitin 2014- të kjo pasuri ka arritur në 39 milionë lekë ose ka një rritje me 4.3. Shtesa mesatare vjetore e pasurisë familjare nga viti 2003 deri në vitin 2014- të ka qenë 2.7 milionë lekë. Të ardhurat familjare të deklaruara nga z Trezhnjeva e kanë origjinën në 49.6 % nga paga e tij për shkak të detyrës dhe 50.4 % nga aktiviteti privat i bashkëshortes, e cila zotëron një farmaci. Përveç analizës për rritjen/ uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/ logjik të deklarimeve të subjektit si dhe “flamujt e kuq’ që janë identifikuar gjatë kontrollit. Nga 11 deklarata pasurie që iu nënshtruan kontrollit aritmetik- logjik, dy deklarata rezultojnë me probleme me një vlerë të pajustifikuar prej 4.1 milionë lekësh, sipas BIRN- it. Në analizë u morën në konsideratë edhe llogaritë bankare në emër të aktivitetit privat të bashkëshortes së Trezhnjevës, të Nga 11 deklarata pasurie që iu nënshtruan kontrollit aritmetik- logjik, dy deklarata rezultojnë me probleme me një vlerë të pajustifikuar prej 4.1 milionë lekësh. Të ardhurat familjare të deklaruara nga zoti Trezhnjeva e kanë origjinën në 49.6 % nga paga e tij për shkak të detyrës dhe 50.4 % nga aktiviteti privat i bashkëshortes, e cila zotëron një farmaci. cilat gjenden në deklaratat që ai ka dorëzuar në ILDKPKI, ndonëse nuk janë objekt i deklarimit të pasurisë. Si “flamuj të kuq” janë identifikuar gjithashtu edhe gjendja akumulative në kesh prej 3.1 milionë lekësh në fund të vitit 2014- të apo luhatje e vlerave të likuiditeteve në bankë. “Duke qenë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo është e ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik”, shkruan BIRN. Kështu, sipas deklaratave të pasurisë, rezulton se 49.5 % të të ardhurave, Trezhnjeva i ka përfituar nga pagat dhe shpërblimet që rrjedhin nga funksioni dhe llogariten në 16,877,582 lekë. Ndërsa pasuria prej 17,135,230 lekësh ka ardhur nga të ardhurat e aktivitetit privat të bashkëshortes së tij, e cila zotëron një farmaci. Këto të ardhura përbëjnë 50.4 %. Gjithashtu, gjyqtari numëron 3,329,288 lekë pasuri të luajtshme dhe 23,315,640 lekë pasuri të paluajtshme.