Berisha: Rama, Bushati dhe Lu të pafytyrë
“Për Presidentin Trump vota pro e Shqipërisë ishte votë kundër tyre”
Ish- Kryeministri, Sali Berisha, ka akuzuar kreun e Qeverisë, Edi Rama, dhe ministrin e Jashtëm, Ditmir Bushati, se me votën në OKB kundër SHBA- ve, treguan dyfytyrësinë në diplomaci. Berisha, në një postim në “Facebook”, hodhi poshtë pretendimet se vota që dha Shqipëria për të miratuar rezolutën, që rrëzonte kërkesën e Presidentit Trump, ishte udhëzim i Bashkimit Europian. “Nga pushimet në hotele ultraluksoze, që po bën në New York, ai urdhëron ‘ Ditëziun’ e tij t’u serviri shqiptarëve, për t’u hedhur atyre hi syve dhe justifikuar qëndrimin e tij antiamerikan dhe në kundërshtim të mirëfilltë me interesin kombëtar, të deklarojë se: a) vota kundër SHBA- ve ishte e diktuar nga kërkesa e Bashkimit Europian. Por, gënjeshtra i ka këmbët e shkurtra. Bashkimi Europian nuk kishte një kërkesë të tillë dhe nuk kishte asnjë vendim për votim unanim. Prandaj dhe Çekia, Hungaria, Letonia, Rumania, Kroacia, Polonia, vende anëtare këto të Bashkimit Europian iu përgjigjën kërkesës së qeverisë së SHBA- ve që të abstenonin, dhe këto vende nuk votuan pro rezolutës për dënimin e SHBA”, shkruan Berisha. Ndërkohë që, sipas ish- Kryeministrit pretendimi i dytë i Ramës se edhe ish- qeveria Berisha kishte votuar njëlloj në Organizatën e Kombeve të Bashkuara është i pavërtetë. “Pas këtij mashtrimi ordiner, Rama me ‘ Ditëziun’ e tij, për të justifikuar qëndrimin e tyre kundër SHBA- ve dhe interesit kombëtar, hodhën në treg mashtrimin e ri. Ata thane: b) se kemi votuar siç ka votuar Berisha në vitin 2012 Rezolutën për Palestinën. Ky është një mashtrim i paskrupullt dhe krahasim kretinësh politikë. Kjo sepse, së pari, në vitin 2012 qeveria nuk votoi pro rezolutës për dhënien e statusit të vëzhguesit të vendit jo anëtar të Palestinës në OKB, pra nuk mbështeti një rezolutë, që e kundërshtonin SHBA dhe Izraeli, por abstenoi dhe për këtë u falënderua nga qeveria e SHBAve”, shkruan Berisha, i cili në sta- tusin e tij ka sulmuar dhe ambasadorin amerikan në Tiranë Donald Lu. “Në këtë dyfytyrësi ata u inkurajuan edhe nga deklarata e ambasadorit Lu në Tiranë, i cili për arsye që i di ai vetë, apo për të mos munguar në shërbim të Ramës, bënte sikur nuk ishte votuar në OKB, ose të paktën nuk u thoshte shqiptarëve se qeveria e tyre votoi kundër SHBA- ve” ka thënë ai. Berisha thekson më tej se pretendimet e Ramës dhe Bushatit janë hedhur poshtë nga deklarata e ambasadores së SHBA- së në OKB, Nikki Haley, e cila në një letër, dërguar vendeve anëtare të kësaj organizate, përfshirë dhe Shqipërinë, ka bërë të ditur se këtë votë kundër, do ia raportojë Pres- identit Trump me emra konkretë. “Do të raportoj te Presidenti i SHBA- ve emrat e të gjithë atyre që mbështesin një draft- rezolutë që hedh poshtë lëvizjen e SHBAve në Asamblenë e Përgjithshme të OKB- së. Presidenti Trump e ka marrë personalisht këtë çështje”, - dhe vijon - “Ndërsa konsideroni votën tuaj, ju inkurajoj që ta dini se Presidenti dhe SHBA do të marrë këtë votë personalisht. Presidenti do ta vëzhgojë këtë votë më kujdes dhe më ka kërkuar që të raportoj për ata që votojnë kundër nesh”. Pra, për ambasadoren Haley, qeverinë e SHBA- ve dhe presidentin e SHBA- ve, Donald Trump, vota pro e Shqipërisë, për rezolutën në fjalë, ishte votë kundër tyre”, shkruan Berisha.