Studimi i BE: Para për votën, e pranojnë 20 % e shqiptarëve

“Kryeson Mali i Zi me 22 %, Bosnja 15 %, Kosova 12 %, Serbia 8.4 % e Maqedonia 7.4 %”

Në zgjedhjet parlamentare të 25 qershorit, 20 për qind e shqiptarëve e kanë shitur votën e tyre.

Të dhënat kanë dalë nga studimi i financuar nga Bashkimi Europian, “Jeta informale e partive politike në shoqëritë e Ballkanit Perëndimor”. Sipas këtij studimi, rezulton se nga vendet e Ballkanit, Shqipëria dhe Mali i Zi kanë numrin më të lartë të votuesve që pranojnë se u janë ofruar para për të blerë votën e tyre. Sipas të dhënave të publikuara nga Instituti për Demokraci në Shkup, i cili në bashkëpunim me 6 organizata të tjera në rajon realizuan studimin, 20.6% e shqiptarëve kanë pranuar se gjatë zgjedhjeve parlamentare u janë ofruar para në këmbim të votës. Më konkretisht, votuesve u është drejtuar direkt pyetja “A ju janë ofruar para në këmbim të votës?” dhe një pjesë e konsiderueshme e tyre e kanë pranuar këtë fakt. Bazuar te të dhënat e studimit, rezulton se një në pesë të anketuar në Malin e Zi ( 22.%) dhe Shqipëri ( 20.6%) kanë marrë ofertë për të shitur votën, ndërkohë që numri është më i ulët në Bosnjë ( 15.4%), Kosovë( 12.5%), Serbi ( 8.4%) dhe Maqedoni( 7.4%). Në të dhënat përfundimtare të studimit të financuar nga Bashkimi Europian rezulton se, pavarësisht përqindjes, në secilin nga vendet e Ballkanit numri i votuesve që kanë marrë oferta për blerje vote përfaqëson një numër të konsiderueshëm të elektoratit, masë kjo që ndikon edhe në rezultatin e zgjedhjeve.

STUDIMI Sipas të njëjtave të dhëna të bëra publike, rezulton se numri i votuesve të cilëve u janë ofruar para për blerjen e votës së tyre përbëjnë më shumë se dy të tretat e votave për fituesit e zgjedhjeve në Shqipëri dhe Malin i Zi, ndërsa tejkalon numrin e votuesve për fituesit në Bosnjë dhe Kosovë. “Gjetjet tona nuk duhet të merren si një tregues i saktë i efektit të klientelizmit në rezultatet e zgjedhjeve. Megjithatë, ato janë shumë afër realitetit të klientelizmit të blerjes së votës në rajon”, thuhet në studimin e Institutit për Demokraci. Gjetjet tona sugjerojnë se shkalla e klientel- izmit është e mjaftueshme për të lëkundur rezultatet e zgjedhjeve”. Studimi i financuar nga Bashkimi Europian ka pasur në fokus të tij edhe presionin deri në forma kërcënuese që partitë politike ushtrojnë ndaj votuesve për të siguruar mbështetje politike.