Risia në Kombëtare, Qaka: U përlota kur mora ftesën
Flet mesfushori: Doja të luaja vetëm për Shqipërinë
Rastësia është mbreti i botës. Nëse nuk besoni, pyesni Kamer Qakën. Është lojtari më i ri i Kombëtares shqiptare, i grumbulluar nga trajneri Kristian Panuçi, pasi Amir Abrashi nuk ia ka dalë të rikuperohet plotësisht.
Ndeshjen me Turqinë do ta shihte normalisht si një tifoz i kuqezinjve, por Qaka tani mund të jetë edhe protagonist i saj. Lajmin e bëri të ditur federata shqiptare përmes një njoftimi në rrjetet sociale, ku shkroi se Abrashi nuk do të grumbullohet dhe lojtari i ri i ftuar nga Panuçi është Kamer Qaka. 22- vjeçari ka dalë nga akademia e Valerengës dhe këtë sezon luan me CSM Politehnika në kampionatin rumun, ku ka koleksionuar 11 prezenca.
- Si për rastësi, Kamer Qaka u grumbullua për të zëvendësuar Abrashin dhe ka ngjashmëri të shumta me mesfushorin kuqezi. Përveçse luajnë të dy si shkatërrues, janë të gjatë thuajse njëlloj: Qaka 170 cm, Abrashi 172 cm. Po ashtu, edhe pesha e tyre: Qaka 73 kg, Abrashi 72 kg. Ata njihen
Sozia e Abrashit
të dy si lojtarë shumë të fortë dhe të ashpër në mesfushë, të cilët ndëshkohen shpesh me kartonë të verdhë.
- Prurja më e re e Kombëtares shqiptare ka folur për mediat norvegjeze ( vend në të cilin është rritur) dhe shpjegon momentin kur mori ftesën. "Është e pabesueshme, kam qarë për 20 minuta. U shokova. Idhujt e mi të fëmijërisë luajnë për Shqipërinë dhe nuk di çfarë të them. Ende nuk më besohet. Kam qenë në formë të mirë këtë vit dhe gjërat duken
Deklarata
mjaft pozitive. Dëgjova 3- 4 javë më parë nga njerëz të rëndësishëm në Shqipëri se unë duhet të grumbullohesha në Kombëtare dhe se isha mjaftueshëm i mirë për të merituar diçka të tillë. Më pas papritur mora një mesazh nga klubi ku më thanë se FSHF- ja i kishte kontaktuar për të më grumbulluar. Më telefonuan nga Shqipëria për të më pyetur nëse isha i gatshëm të bashkohesha me Kombëtaren", tha fillimisht Qaka. "Nuk kam folur direkt me Panuçin, por kam folur me disa njerëz të tjerë. Më pyetën: ' A do të vish në Kombëtare?' Dhe unë u përgjigja: ' Nuk është nevoja të më pyesni'. Isha shumë i lumtur", shtoi 22- vjeçari. Mesfushori foli edhe për zgjedhjen e tij përfundimtare sa i përket ekipit kombëtar, duke qenë se më parë ka luajtur për moshat e Norvegjisë. "Unë dua të luaj për Shqipërinë, kjo është ëndrra ime. Stafi i Shqipërisë më ka parë të luaj, por unë dua të aktivizohem edhe për Kombëtaren që të më shohin më shumë", përfundoi Qaka.