Fushata, “kërcënim” edhe për bashkitë
Zëvendëskryeministrja Ledina Mandija u ka bërë apel edhe një herë nëpunësve të administratës që brenda orarit zyrtar të punës të mos marrin pjesë në aktivitete/ veprimtari politike apo fushatë zgjedhore të një partie politike ose kandidati. Përmes një deklarate për mediat, Mandija kujtoi se punonjësve të administratës nuk u lejohet të shprehin publikisht bindjet dhe preferencat e tyre politike. “Bazuar në nenin 88 të Kodit Zgjedhor, nuk mund të përdoren apo të vihen në mbështetje të kandidatëve, partive politike apo koalicioneve në zgjedhje burime të organeve apo enteve publike në nivel qendror e vendor apo çdo lloj enti tjetër, ku shteti zotëron kapitale apo kuota dhe/ ose emëron shumicën e organit mbikëqyrës apo drejtues të entit pavarësisht kapitalit apo pronësisë. Gjatë fushatës zgjedhore ndalohet marrja në punë, pushimi nga puna, lirimi, lëvizja dhe transferimi në detyrë në institucionet apo entet publike, me përjashtim të rasteve të përligjura. Konsiderohen raste të përligjura rastet kur lëvizja apo lirimi nga puna vjen si rrjedhojë e shkeljeve, sipas legjislacionit përkatës, ose marrja në punë bëhet brenda strukturës dhe organikës në fuqi përpara fushatës zgjedhore nga institucioni apo enti publik në përmbushje të misionit të tij. Për sa më sipër, u bëjmë thirrje veçanërisht bashkive dhe prefekturave, por edhe çdo institucioni tjetër në nivel qendror e vendor, të marrin masa për respektimin e plotë të dispozitave ligjore dhe nënligjore gjatë periudhës së zgjedhjeve dhe sjellim në vëmendje që mosrespektimi i tyre mbart pasoja ligjore sipas ligjit deri në ndjekje penale”, deklaroi zv. kryeministrja. Shkarkimeve në administratë për shkak të përfshirjes në fushatë nuk i ka shpëtuar as bashkëshorti i deputetes së LSI- së, Silva Caka. Bashkëshorti i deputetes, Neritan Çela, është liruar nga detyra drejtor teknik i zgjedhur nga PD në krye të Hipotekës, Arjan Bylykbashi. Shkarkimi i bashkëshortit të deputetes së LSI- së ka ardhur vetëm pak orë pasi kjo e fundit doli në një deklaratë për mediat dhe hodhi akuza të forta në drejtim të Kryeministrit Rama. fit të tij përse i ka ndërprerë rrogën mujore. Në përgjigje të shqetësimit të shprehur nga basketbollisti, shefi i klubit shumësportësh Teuta i kujton se nuk duhet ta sho-