Mërgim Mavraj: Hamburgun e zgjodha prej Bekenbauerit
Shans ideal për të shpëtuar karrierën dhe qëndrimin në Kombëtare
Dritë në fund të tunelit. Ermir Lenjani përflitet më në fund te një skuadër e madhe dhe ku mund të tregojë vërtet se është mesfushor i Kombëtares.
Pas shumë zërave të merkatos që e lidhnim me një rikthim të mundshëm te Nantë apo edhe interesimit për një transferim në kampionatin turk, futbollisti i Kombëtares shihet si i duhuri për merkaton e janarit në një ekip të madh. Mbrojtësi i majtë i Renës dhe Kombëtares shqiptare, i cili aktivizohet lehtësisht edhe në rolin e mesfushorit në këtë krah, Ermir Lenjani, duket se është pranë gjetjes së një zgjidhjeje për karrierën e tij futbollistike që po kalon përmes momentesh aspak pozitive. Sipas mediave franceze, ai ka filluar bisedimet me Dinamon e Zagrebit për një transferim të mundshëm gjatë merkatos së këtij muaji.
BISEDIMET
Kontrata e Lenjanit me Renën përfundon në fund të këtij sezoni dhe nuk dihet ende se në çfarë forme është duke e konsideruar klubi i njohur kroat transferimin e tij. sipas "Goal. com" në versionin kroat, drejtuesit e skuadrës nga Zagrebi, nuk kanë dhënë asnjë informacion për mediat vendase në lidhje me këtë transferim, mirëpo mediat franceze kanë bërë me dije se ata pretendojnë që të përfitojnë nga përfundimi i kontratës së shqiptarit në fund të këtij sezoni dhe mbi të gjitha nga fakti që trajneri i renës nuk e ka në plane atë. Në këtë mënyrë do të ishin të gatshëm për të paguar një shumë jo maksimale për të marrë përfundi- euro afërsisht sipas "Transfermarkt" është vlera e kartonit për të cilën duhet të paguajë Dinamo e Zagrebit për Ermir Lenjanin, duke qenë se i përfundon kontrata në fund të sezonit. misht kartonin e shqiptarit. Futbollisti shqiptar nuk arriti dot kurrë të tregonte vlerat në Ligën 1 të Francës dhe tashmë Dinamo e Zagrebit mund të konsiderohet një "barkë shpëtimi" për karrierën e tij. Për shkak të mosaktivizimit me skuadrën aktuale, Lenjani e ka humbur edhe vendin e titullarit të padiskutueshëm në Kombëtare.
Mërgim Mavraj vazhdon të insistojë se nuk ka tradhtuar askënd në momentin kur vendosi të largohej në mes të sezonit nga Këlni për t'iu bashkuar Hamburgut. Mbrojtësi i përfaqësueses shqiptare, në një intervistë të dhënë për të përditshmen sportive gjermane "Kicker", ka treguar dy arsye shumë të forta përse kishte bërë një zgjedhje të tillë. "Hamburgu është një klub shumë i madh. Bekenbauer e ka veshur këtë fanellë, apo edhe Zeler, Hrubesh e plot idhuj të futbollit gjerman. Por, njëherazi, madhësia e këtij klubi nënkupton edhe trysni më shumë. Kontrata ime në Këln do të përfundonte në verë. Por unë kam një familje të madhe dhe kërkoja siguri. Ndaj, nga kjo pikëpamje, nuk ka asgjë të çuditshme në zgjedhjen që kam bërë", tregoi mbrojtësi shqiptar në intervistën e tij për të përditshmen gjermane.