Këshilli i Lartë Gjyqësor dhe Këshilli i Lartë i Prokurorisë

NENI 147 SI ISHTE

Anëtarët jogjyqtarë zgjidhjen me tri të pestat e të gjithë anëtarëve të Kuvendit, mbi bazën e propozimeve nga radhët e avokatëve, një anëtar nga radhët e noterëve, një anëtar nga radhët e trupa e pedagogëve të Drejtësisë, një anëtar nga trupa e pedagogëve jogjyqtarë ose prokurorë të Shkollës së Magjistraturës, si dhe një anëtar nga shoqëria civile. Për çdo vend vakant, organet propozuese i paraqesin Këshillit të Emërimeve të Drejtësie pesë kandidatë të përzgjedhur, sipas një procedure transparente dhe publike.

Në rast kur shumica e tri të pestave nuk arrihet në dy raunde, kandidatët e miratuar të parët në listë për secilin grup konsiderohen të emëruar.

NENI 147 SI U MIRATUA

Dy anëtarë jogjyqtarë zgjidhen nga radhët e avokatëve, dy anëtarë nga trupa e pedagogëve të Fakultetit të Drejtësisë dhe të Shkollës së Magjistraturës, dhe një anëtar nga shoqëria civile. Sekretari i Përgjithshëm i Kuvendit, bazuar në një procedurë transparente dhe publike, shpall vendet vakante sipas ligjit.

Sekretari i Përgjithshëm i Kuvendit jo më vonë se 10 ditë nga paraqitja e kandidaturave verifikon nëse kandidatët plotësojnë kushtet e parashikuara nga Kushtetuta dhe ligji, si dhe vlerëson kriteret profesionale e morale të anëtarit e Këshillit të Lartë Gjyqësor dhe përgatit listën. Në rast se kandidati nuk i plotësojnë kushtet dhe kriteret për t’u përzgjedhur, sekretari i Përgjithshëm i Kuvendit nuk përfshin emrat e tyre në listë.

Komisioni i përhershëm përzgjedhjes për çështjet ligjore në Kuvend krijon një nënkomision për vlerësimin e mëtejshëm dhe përzgjedhjen e kandidatëve jo më vonë se 3 ditë nga paraqitja e listës. Nënkomisioni përbëhet nga 5 deputetë, prej të cilëve 3 caktohen nga shumica dhe 2 nga pakica parlamentare. Nënkomisioni me të paktën 4 vota mund të përfshijë në listën e kandidatëve dhe ata që janë përjashtuar nga sekretari i Përgjithshëm i Kuvendit për mospërmbushje të kritereve formale. Nënkomisioni përzgjedh kandidatët me mbështetje e të paktën e 4 anëtarëve, nëse nuk arrihet shumica e kërkuar, kandidatët përzgjidhen me short.

Emrat e kandidatëve të përzgjedhur nga nënkomisioni përmblidhen në listën e kandidatëve me 2/ 3- tat e të gjithë anëtarëve. Nëse lista rrëzohet, procedura përsëritet në nënkomision sipas pikës 7, por jo më shumë se dy herë. Në rast se pas zhvillimit për herë të tretë të procedurës Kuvendi nuk miraton listën e paraqitur, kandidatët e kësaj liste konsiderohen të zgjedhur.