Burri i nxjerr SMS-të, Dava Ndoj i përgjigjet drejtpërdrejt: Do ju sjell telefonin tim me të gjitha provat

TIRANË - Çifti në proces divorci, Dava dhe Gjet Ndoji nga Lezha janë përballur dje drejtpërdrejtë në emisionin “Me zemër të hapur” në “News 24”. Historia mes tyre u bë publike pak ditë më parë, kur Dava Ndoj u dhunua nga njerëzit e burrit, përkatësisht kunata e saj, e cila u arrestua për ngjarjen. Në studion e emisionit ishte i ftuar Gjet Ndoj, që tregoi të vërtetën e tij, e cila u hodh poshtë nga Dava, në një lidhje telefonike në emision. Kjo e fundit tha se ka të gjitha provat në telefon për tradhtinë e burrit, por edhe se si familja e tij i merrnin ushqimin e fëmijëve, në mënyrë që ajo të largohej nga shtëpia.

Dava Ndoj: Unë kam të gjitha provat në telefonin tim. Edhe ushqimin e fëmijëve të mi ma kanë hequr, si e si të ma bënin jetën më të vështirë, që të largohesha nga shtëpia. Unë nuk kam ndërmend të iki nga shtëpia, se jam 17 vite që jetoj këtu. Shtëpia është e imja dhe e Gjetës, sepse të dy kemi kontribuuar. Dua të vij në studio me të gjithë dosjen time. Gjeta ka qenë në banesë të shtunën e kaluar. Fëmijët i ka marrë sa herë ka dashur, nuk i kam penguar të takohen.

Dava Ndoj: Gjeta i kthen mesazhet si të dojë. Mund të sjell telefonin tim aty.

Gjet Ndoj: Mesazhet janë të vërteta. Pranoj të jem përballë saj në studio. Për banesës nuk mundem të flas. Ne nuk kishim aq të ardhura sa të blinim tokën për të bërë shtëpinë. Ajo ka shkuar mbi 30 milionë lekë. Nuk e di pse nuk e kuptoni ju se kjo nuk është e kënaqur as nga unë, as nga familja ime, as nga policia, as nga prokuroria, nuk e di me kë do kënaqet ky njeri.