Operacion antikorrupsion në Lushnjë, SPK arreston kryebashkiakun Fatos Tushe dhe 10 zyrtarë të tjerë
Abuzuan me tenderin 24 mln lekë për rehabilitimin e kanalit ujitës
TENDERI ABUZIV
Sipas SPAK, abuzimi nga zyrtarët e arrestuar ka të bëjë me një tender në vlerën e 24 mln lekëve të rinj për rehabilitimin e kanalit vaditës në Lushnjë. Sipas burimeve kryebashkiaku Tushe ka favorizuar një nga kompanitë që ka marrë pjesë në tender. Përveç se akuzohen për shkelje të barazisë në tenderë pasi kanë skualifikuar kompanitë e tjera, sipas SPAK dyshohet se kanë përfituar dhe para. Ka pasur një ankesë fillimisht nga ana e kompanive.
BIZNESMENËT BIZNESMENËT E E ARRESTUAR
Ibrahim Lami dhe Bujar Murati janë dy biznesmenët e arrestuar së bashku me kryebashkiakun e Lushnjës Fatos Tushe dhe 8 zyrtarë të tjerë të bashkisë, pasi janë të përfshirë në një tender abuziv për rehabilitimin e kanalit ujitës. Ibrahim Lami, është administrator i kompanisë Loti shpk, i dyshuar për kryerjen e veprave penale të “Falsifikim i dokumenteve” kryer në bashkëpunim. Ndërsa , Bujar
Murati është administrator i kompanisë ‘Euro Alb’ shpk, i dyshuar për të njëjtën akuzë.
Një ditë pasi kreu i SPAK, Arben Kraja paralajmëroi arrestime të zyrtarëve të lartë për abuzim me fondet, FNSH dhe RENEA kanë zbarkuar në Lushnjë dhe në kuadër të një operacioni masiv antikorrupsion të urdhëruar nga SPAK, ka arrestuar kryebashkiakun Fatos Tushe si dhe 10 persona të tjerë (8 prej të cilëve zyrtarë të bashkisë). Mësohet se pas një hetimi disa mujor, SPAK ka mësyrë në zyrat e Ndërmarrjes së Pasurisë Publike në Lushnjë duke vënë në pranga 11 persona, pasi janë të përfshirë në një tender abuziv prej 24 mln lekësh për rehabilitimin e kanalit ujitës. Kryebashkiakut Tushe i janë vënë pranga në zyrën e tij, ndërsa dyshohet që kreu i këtij grupi ishte Flamur Peqini, drejtori i Ndërmarrjes së Pasurive Publike dhe njëherazi ishkreu i Inspektoratit të Ndërtimit në Lushnjë. Në këtë hetim ka pasur përgjime dhe vëzhgime, kontrolle të financave dhe transaksione të zyrtarëve. Nga këto ka rezultuar se zyrtarët lekët e tenderëve i kalonin në kompani private në mënyrë fiktive. Tenderi 24 mln lekë për rehabilitimin e kanalit ujitës ishte fituar nga kompania Euro Alb shpk, me pronar Bujar Muratin, i cili po ashtu është arrestuar. Euro Alb shpk ka qenë kompania e vetme në garë dhe ky investim do të kryhej në fshatin Bitaj. Mes të arrestuarve janë zyrtarë të tjerë të Bashkisë, mes tyre Flamur Peqini me detyrë Drejtor i Ndërmarrjes së Pasurisë Publike në Bashkinë Lushnjë, Gazmend Çela, Bektash Nexha, Blerta Turku dhe dy biznesmenët Ibrahim Lami dhe Bujar Murati. Dy ditë më parë, GJKKO ka vendosur ndaj tyre masën e sigurisë “Arrest me burg”. Ndërsa, katër të tjerë janë lënë në ‘Arrest shtëpie’, Margarita Gjermeni, Ani Simoni; Andri Mushaj dhe Xhemal Hasko. Ndaj tyre rëndojnë akuzat për veprën penale, “Korrupsion pasiv i personave që ushtrojnë funksione publike”, “Shkelja barazisë së pjesëmarrësve në tenderë apo ankande publike”,
“Shpërdorimi i detyrës”, dhe “Falsifikimi i dokumenteve”. Ndërkaq, ‘News 24’ ka siguruar pamjet nga momenti kur zyrtarët dalin me pranga në duar nga zyrat e Bashkisë së Lushnjës. Pas arrestimit, janë ushtruar edhe kontrolle në zyrat e bashkisë Lushnjë, mes tyre drejtoria e urbanistikës, aty ku dyshohet se ka materiale që do të provojnë akuzën e SPAK atë të përfshirjes në korrupsion pasiv të zyrtarëve publikë. Ndërkaq, FNSH e RENEA po kryejnë kontrolle edhe në Kadastrën e Lushnjës, në ndërmarrjen e pasurive publike si edhe banesave të të arrestuarve. Ky operacion që drejtohet nga prokurorja Manjola Kajana vjen pas një hetimi disa mujor dhe pritet të shtrihet edhe në qytete të tjera. Kryebashkiaku i Lushnjës Fatos Tushe dhe të arrestuarit e tjerë janë transferuar dhe shoqëruar për në drejtim të ambienteve e Drejtorisë së Policisë së Qarkut të Tiranës. Kujtojmë se Fatos Tushe drejton bashkinë e Lushnjës prej 3 mandatesh, ndërsa përfaqëson Partinë Socialiste. Më herët ai bashkë me sekretaren e tij mbetën të plagosur më 31 dhjetor të 2020-ës, pasi në zyrë iu hodh lëndë plasëse.
AKUZAT E SPAK PËR TË ARRESTUARIT
-Fatos Tushe, me detyrë Kryetar i Bashkisë Lushnjë, i dyshuar për kryerjen e veprës penale të “Shpërdorimit të detyrës” në bashkëpunim, parashikuar nga neni 248-25 i Kodit Penal;
-Flamur Peqini, me detyrë Drejtor i Ndërmarrjes së Pasurisë Publike në Bashkinë Lushnjë i dyshuar për kryerjen e veprës penale të “Shpërdorimit të detyrës” në bashkëpunim. “Shkeljes së barazisë së pjesëmarrësve në tenderë apo ankande publike”, kryer në bashkëpunim, sipas neneve 24825, 258-25 të Kodit Penal;
-Ibrahim Lami, administrator i kompanisë Loti shpk, i dyshuar për kryerjen e veprave penale të “Falsifikim i dokumenteve” kryer në bashkëpunim të parashikuar nga 186 dhe 25 të Kodit Penal;
-Bujar Murati, administrator i kompanisë Euro Alb shpk, i dyshuar për kryerjen e veprave penale të “Falsifikim i dokumenteve “kryer në bashkëpunim të parashikuar nga 186 dhe 25 të Kodit Penal;
-Gazmend Çela, zyrtar i Ndërmarrjes së Pasurisë Publike në Bashkinë e Lushnjës, i dyshuar për kryerjen e veprës penale të “Shkelje e barazisë së pjesëmarrësve në tenderë apo ankande publike”, kryer në bashkëpunim të parashikuar nga neni 258 dhe 25, të K.Penal;
-Bektash Nexha zyrtar i Ndërmarrjes së Pasurisë Publike në Bashkinë e Lushnjës, i dyshuar për kryerjen e veprës penale të “Shkelje e barazisë së pjesëmarrësve në tenderë apo ankande publike”, kryer në bashkëpunim të parashikuar nga neni 258 dhe 25, të K.Penal;
-Blerta Turku, zyrtare e Ndërmarrjes së Pasurisë Publike në Bashkinë e Lushnjës, e dyshuar për kryerjen e veprës penale të “Shkelje e barazisë së pjesëmarrësve në tenderë apo ankande publike”, kryer në bashkëpunim të parashikuar nga neni 258 dhe 25, të K.Penal;
-Xhemal Hasko, zyrtar i Ndërmarrjes së Pasurisë Publike në Bashkinë e Lushnjës, i dyshuar për kryerjen e veprës penale të “Shkelje e barazisë së pjesëmarrësve në tendera apo ankande publike”, kryer në bashkëpunim të parashikuar nga neni 258 dhe 25, të K.Penal;
-Margarita Gjermeni, zyrtare e Ndërmarrjes së Pasurisë Publike në Bashkinë e Lushnjës, e dyshuar për kryerjen e veprës penale të “Shkelje e barazisë së pjesëmarrësve në tenderë apo ankande publike”, kryer në bashkëpunim të parashikuar nga neni 258 dhe 25, të K.Penal;
-Andri Musho, zyrtar i Ndërmarrjes së Pasurisë Publike në Bashkinë e Lushnjës, e dyshuar për kryerjen e veprës penale të “Shkelje e barazisë së pjesëmarrësve në tenderë apo ankande publike”, kryer në bashkëpunim të parashikuar nga neni 258 dhe 25, të K.Penal;
-Ani Simoni, zyrtare e Ndërmarrjes së Pasurisë Publike në Bashkinë e Lushnjës, e dyshuar për kryerjen e veprës penale të “Shkelje e barazisë së pjesëmarrësve në tenderë apo ankande publike”, kryer në bashkëpunim të parashikuar nga neni 258 dhe 25, të K.Penal.