Takimi me presidentin rus: S'jam optimist për gjetjen e një zgjidhjeje me Kosovën
Vuçiç: Të ishte për Putinin, nuk do të bombardoheshim në 1999- ën
Ditën
e martë, presiden ti serb Aleksandër Vuçiç, tha në Sochi të Rusisë se po të ishte në vitin 1999 në krye të federatës ruse Vladimir Putin, nuk do të ndodhte bombardimi i Serbisë nga NATO- ja. Ai i bëri këto komente pas takimit me presidentin rus, të cilit i tha se nuk është optimist për gjetjen e një zgjidhjeje për Kosovën, pavarësinë e së cilës Beogradi vazhdon ta kundërshtojë dhe për këtë ka edhe mbështetjen e Moskës. Presidenti rus tha se zgjidhja për Kosovën du
ALEKSANDAR VUÇIÇ
"Serbia pret pajisjen e ushtrisë së saj me armatime të tjera ruse. Po të vendoste Putini në Rusi në vitin 1999- ën, Serbia nuk do të bombardohej".
het të kërkohet në kuadër të Rezolutës 1244 të Këshillit të Sigurimit dhe se Rusia do të mbështetë çdo zgjidhje që do të arrihej në bisedimet ndërmjet Beogradit dhe Prishtinës, por do të jetë në anën e Serbisë. Të dy
ata u zotuan për zgjerimin e lidhjeve energjetike dhe ushtarake. Presidenti serb tha se Serbia pret pajisjen e ushtrisë së saj me armatime të tjera ruse, ndërsa theksoi se, "po të vendoste Putini në Rusi në vitin 1999- ën, Serbia nuk do të bombardohej…". Bombardimet e NATO- s në vitin 1999 u dhanë fund mizorive të forcave serbe në Kosovë, e cila në shkurt të vitit 2008 shpalli pavarësinë e saj me mbështetjen e Shteteve të Bashkuara dhe vendeve kryesore të Bashkimit Evropian. Serbia mbetet aleate e Rusisë, ndonëse synon anëtarësimin në Bashkimin Evropian, ndërsa shumica e serbëve e shohin Rusinë si mbrojtëse të tyre edhe për shkak të qëndrimit të saj kundër pavarësisë së
Kosovës. Ndonëse kishte pohuar se janë dokumentuar operacionet e tilla të spiunazhit, presidenti serb kishte thënë se kjo nuk do të dëmtojë marrëdhëniet "vëllazërore" të Serbisë me Rusinë dhe kishte ritheksuar zotimin se vendi i tij nuk do të mbështesë asnjë veprim kundër Moskës, njësoj siç ka kundërshtuar të mbështesë sanksionet ndërkombëtare ndaj saj për shkak të ndërhyrjes në Ukrainë.