55 të dënuar dhe të paraburgosur në Burrel, letër MD- së: Kërkojmë amnisti të gjerë
"Kërkesa në Vitin e Skënderbeut është kolektive dhe me afat kohor 2- 3 vjet" "Kushtet e vendosura në amnistinë e propozuar nuk i plotësojmë dot"
5 të dënuar dhe të paraburgosur në bur gun e Sigurisë së Lartë në Burrelit i kanë dërguar një letër Ministrisë së Drejtësisë, në kuadër të "Vitit të Skënderbeut". Në letrën e siguruar nga "Gazeta Shqiptare", ata kërkojnë rishqyrtim të kushteve për përfitimin e amnistisë pak ditë para fundit të 2018- ës. Firmëtarët e këtij peticioni shprehen se kushtet e vendosura në amnistinë e propozuar nga Ministria e Drejtësisë janë të tilla që ata nuk i plotësojnë dot. Të burgosurit shprehen më tej se janë dënuar dhe hetuar padrejtësisht, çka sipas tyre ua bën të pamundur që të përfitojnë nga amnistia. Gjithashtu, kërkojnë që amnistia e këtij viti, që është edhe Viti i Skënderbeut të ishte e përgjithshme dhe për një afat kohor 2- 3 vjet.
KËRKESA E PLOTË E 55 TË BURGOSURVE
Ne të poshtëshënuarit që po vuajmë si të paraburgosur në IEVP Burrel parashtrojmë kërkesën tonë si më poshtë vijon: "Dëgjuam në televizor se Ministria e Drejtësisë ka bërë një propozim për amnisti. Kjo pa dyshim që është e nevojshme dhe e domosdoshme për të gjithë ata që po vuajnë dënimet.
Por, konstatojmë se kushtet që kërkon kjo amnisti nuk plotësohen nga të paraburgosurit dhe të burgosurit, pasi konstatohen se janë dhënë gjykime dhe dënime të padrejta si për drogën, për dhunën në familje, por edhe për vepra të tjera.
Konstatohet se ka pasur padrejtësi si në hetim, po ashtu edhe në gjykimin e çështjeve të ndryshme. Gjithashtu, vërejmë se gjykatat e rretheve Dibër dhe Mat kanë dhënë dënime më të rënda se gjykatat e rretheve të tjera.
Duke u bazuar në çfarë thamë më sipër, mendojmë se kjo amnisti që është parashikuar të jepet, nuk lehtëson asnjë të paraburgosur ose të "Vërejmë se gjykatat e rretheve Dibër dhe Mat kanë dhënë dënime më të rënda se gjykatat e rretheve të tjera. Duke u bazuar në çfarë thamë më sipër, mendojmë se kjo amnisti që është parashikuar të jepet, nuk lehtëson asnjë të paraburgosur ose të burgosur. Kërkesa jonë kolektive është që amnistia e këtij viti, që është edhe Viti i Skënderbeut të ishte e përgjithshme dhe për një afat kohor 2- 3 vjet", thuhet ndër të tjera në kërkesën e 55 të dënuarve, drejtuar Ministrisë së Drejtësisë.