Mediu zgjidhet anëtar i Komitetit Drejtues për Sigurinë në Kongresin e USA
Kreu
republikan, Fatmir Mediu gjatë vizitës në SHBA është zgjedhur si anëtar i Komitetit Drejtues në Forumin Parlamentar të Inteligjencës dhe Sigurisë në Kongresin Amerikan. Ky propozim është bërë nga Kongresmeni Robert Pittinger dhe është pranuar nga Fatmir Mediu. "Ky komitet zhvilloi takimin e parë mbas forumit në një mëngjes pune në University Club me përbërje nga kongresmenë, anëtarë të Bundestagut Gjerman, parlamentit Europian dhe parlamentarë të disa vendeve, por dhe përfaqësues të industrisë dhe teknologjisë Amerikane. Gjatë fjalës në Forum jo vetëm theksova vlerën e bashkëpunimit në këto forume të rëndësishme, por dhe nevojën e çdo vendi që mbështetur në konkluzionet dhe rekomandimet e Forumit të angazhohet në miratimin dhe implementimin e ligjeve. Po ashtu dhe nevojën e bashkëpunimit me Forumet e tjera të sigurisë veçanërisht në Europë", tha z. Mediu. Kreu republikan njofton në "Facebook" se "folësit kryesorë të këtij forumi ishin përfaqësues të lartë të Senatit si Lindsey Graham, Senatori James Lankford, Kryetarët e komisioneve të Kongresit, përfaqësues të lartë të administratës Amerikane. "Ky forum i lartë ndërkombëtar për sigurinë, ofron mundësinë për dialog në lidhje me sfidat aktuale të sigurisë si ajo kibernetike; luftën kundër terrorizmit, asistencë ligjore për të parandaluar , financimin e terrorizmit, bashkëpunimin në luftën kundër terrorizmit",- tha z. Mediu.
FORUMI
"Ky forum i lartë ndërkombëtar për sigurinë ofron mundësinë për dialog në lidhje me sfidat aktuale të sigurisë si ajo kibernetike, luftën kundër terrorizmit, asistencë ligjore për të parandaluar, financimin e terrorizmit, bashkëpunimin në luftën kundër terrorizmit", - tha z. Mediu.