Finalja U- 17, Besa dominon Vllazninë, fiton trofeun e kampiones

Shkëlqen dhe gjyqtari i ri Besnard Kaimi

Besa

e Kavajës së 17vjeçarëve ka kurorëzuar një sezon ëndrrash duke fituar gjithçka në një kampionat që do të mbahet mend gjatë nga çunakët kavajas. Në finalen e madhe të luajtur në "Selman Stërmasi", Besa vinte si kampione e grupit B, ndërsa përballë kishte kampionen e grupit A, Vllazninë, pretendentja kryesore për trofeun. Por verdhezinjtë e vegjël dominuan gjithçka në një 80 minutësh që foli vetëm për ta. Djelmoshat nga Kavaja e zgjidhin ndeshjen shpejt. Në minutën e 16- të Meçja do të çelë rezultatin pas një goli shumë të bukur me kokë. Me avantazhin e një goli për Besën, ekipet shkojnë në dhomat e zh- veshjes, ndërsa edhe në pjesën e dytë vijoi dominimi i verdhezinjve. Edhe njëherë Meçja realizon në të 63- ën duke futur në kasafortë rezultatin, ndërsa 7 minuta më pas, Krasniqi detyron shkodranët të kapitullojnë pas golit të tretë. Vllaznia do ta gjejë golin e nderit në limitet e kohës së rregullt. Minuta e 80- të ( kujtojmë që për këtë grupmoshë, ndeshjet zgjasin 80 minuta dhe jo 90) dhe kryesori Besnard Kaimi do të akordojë një 11metërsh pas një kontakti në zonën e Besës. Ndeshje shumë e mirë kjo për gjyqtarin e ri të kolegjiumit të Tiranës, që tashmë duket po i drejtohet me hapa galopantë takimeve të superiores, për të vijuar traditën e familjes Kaimi. Nga pika e bardhë do të ekzekutojë saktë Mali, që vulos rezultatin përfundimtar 3- 1. Për Besën, ky është trofeu i parë në histori për këtë grupmoshë, ndërsa më herët kishte fituar edhe Kupën e Shqipërisë.