Hodhën gaz lotsjellës në Kuvend, Vetëvendosje: Të lirohen deputetët
Ndërpritet seanca për të katërtën herë, ja sa dënohen 7 të arrestuarit Parlamenti i Kosovës miraton demarkacionin
Lëvizja Vetëvendosje ka kërkuar lirimin e menjëhershëm të deputetëve të arrestuar të mërkurën, të cilët hodhën gaz lotsjellës në Kuvend. Vetëvendosje thekson se ky arrestim i deputetëve ka ndodhur me urdhër, siç e quan Vetëvendosje "kryepolicit Kadri Veseli". "Dje, në seancën për demarkacionin me Malin e Zi, u arrestuan 7 deputetë të Lëvizjes VETËVENDOSJE! të cilët protestuan brenda Kuvendit kundër kësaj marrëveshje që ia fali 8200 hektarë Malit të Zi dhe ia zgjati jetën kësaj qeverie për pak kohë. Ky arrestim i deputetëve të Lëvizjes erdhi me urdhër të kryepolicit Kadri Veseli për të liruar sallën e Kuvendit të Republikës që dje kishte për qëllim faljen e territorit, legjitimin e tradhtisë së Thaçit, e të gjitha këto me ndihmën e kryeministrit Haradinaj", thuhet në reagim. "Deputetët që u arrestuan dhe u larguan dhunshëm nga salla e Kuvendin ende po vazhdojnë të mbahen në paraburgim vetëm pse u vunë në mbrojtje të Republikës. Ne kërkojmë lirimin e menjëhershëm të deputetëve: Arbërie Nagavci, Drita Millaku, Fitore Pacolli, Liburn Aliu, Valon Ramadani, Salih Zyba dhe Xhelal Sveçla", thuhet në reagimin e VV- së. Ndërkohë që prokuroria e Kosovës u ka vendosur masën e ndalimit për 24 orë 7 deputetëve të Lëvizjes Vetëvendosje, të cilët hodhën dje gaz lotsjellës në Kuvend, gjatë kohës që tentohej të votohej marrëveshja e kufirit me Malin e Zi. Lajmin për Telegrafin e ka konfirmuar zëdhënësi i Prokurorisë, Ekrem Lutfiu. Drita Millaku, Fitore Pacolli, Arbërie Nagavci, Liburn Aliu, Salih Zyba, Xhelal Sveçla, dhe Valon Ramadani janë deputetët e Vetëvendosjes, të cilëve iu është caktuar 24 orë ndalim policor. Pas një seance maratonë, Kuvendi i Kosovës ka arritur të ratifikojë marrëveshjen e demarkacionit të kufirit me Malin e Zi. Me 80 vota pro, 11 kundër dhe asnjë abstenim, deputetët e Kuvendit i dhanë dritën jeshile kësaj marrëveshje. Gjatë seancës së sotme u hodh katër herë gaz lotsjellës nga deputetët e Vetëvendosje të cilët kundërshtojnë këtë marrëveshje, por në fund është arritur që të miratohet me 80 vota pro. Pesë deputetët e Vetëvendosjes u përjashtuan dhe disa prej tyre u arrestu- an. Marrëveshja e Demarkacionit ndërmjet Kosovës dhe Malit ishte firmosur në Vjenë më 26 gusht të vitit 2015 nga Presidenti i tanishëm, Hashim Thaçi asokohe, ministër i Jashtëm, dhe ish- ministri i Brendshëm, Skënder Hyseni. Për palën malazeze firmosën ministri i Jashtëm, Igor Llukshiç, dhe ai i Brendshëm, Rashko Konjeviç. Që nga ajo kohë, kjo ujdi ka hasur në kundërshtime të mëdha të opozitës me arsyetimin se Kosova po humb 8 mijë hektarë tokë. Në mesin e atyre që ishin kundër Demarkacionit ishte edhe kryeministri aktual, Ramush Haradinaj në kohën kur ishte në opozitë. Haradinaj në ditën e parë të punës në krye të ekzekutivit ka shkarkuar komisionin për shënimin e kufirit duke emëruar Shpejtim Bullicin si udhëheqës të ekipit të ri. Pas votimit të Demarkacionit, lufta kundër krimit dhe korrupsionit mbetet kushti vetëm i Bashkimit Evropian për t` u hequr vizat shqiptarëve në Kosovë.