Trafikuan shqiptarë në SHBA, Kanada dhe Britani, nis hetimi pasuror për 39 të arrestuarit
Në verifikim llogaritë bankare të të pandehurve e familjarëve të tyre
Në
kuadër të hetimeve ndaj personave të arrestuar për trafikimin e 1 mijë shqiptarëve drejt Anglisë, Kanadasë dhe Shteteve të Bashkuara të Amerikës, prokuroria nis hetimin pasuror për ta. Organi i akuzës ka vendosur të verifikojë pasuritë e 39 të prangosurve. Kjo pas dyshimeve se grupi ka përfituar një shumë prej 15 milionë dollarësh nga aktiviteti kriminal. Grupi hetimor do të shqyrtojë nëse të pandehurit arrijnë t'i justifikojnë të ardhurat dhe burimin e tyre. Fillimisht mësohet se u është dërguar një shkresë të gjitha bankave të nivelit të dytë, për të identifikuar të gjithë llogaritë bankare të të arrestuarve dhe familjarëve të tyre të afërt. Organizata kriminale, e cila dërgonte shtetas shqiptare drejt tri destinacioneve kryesore u godit pas një hetimi disa mujor nga Prokuroria për Krime të Rënda. Kundrejt pagesave, të cilat varionin nga 7 mijë paund deri në 25- 30 mijë dollarë, grupet kriminale, pajisnin qytetarët me pasaporta të falsifikuara të vendeve të BE- së e në këtë mënyrë, ata udhëtonin drejt destinacioneve në katër rrugë kryesore. Rruga kryesore e kalimit të qytetarëve, ishte nga Shqipëria në ItaliFrancë- Meksikë e më pas në Shtetet e Bashkuara të Amerikës. Rruga e dytë që ndiqej ishte ajo nga vendi ynë në Malin e Zi, më pas në Serbi e Gjermani. Prej andej qytetarët udhëtonin drejt Spanjës. Nga këtu përshkonin dy rrugë. Kishte prej tyre që kalonin në Meksikë me destinacion final SHBA, ndërsa të tjerë kalonin përmes Kosta Rikës. Një rrugë tjetër e ndjekur nga trafikantët, ishte ajo e kalimit përmes Kosovës, prej andej qytetarët udhëtonin drejt Bullgarisë ose Belgjikës. Nga kjo e fundit kalonin në Republikën Domenikane e prej andej në Kanada. Ata që kalonin nga Bullgaria, udhëtonin drejt Spanjës dhe përmes Kosta Rikës hynin në Shtetet e Bashkuara të Amerikës. Policia shqiptare bën me dije se për shkatërrimin e kësaj linje rol vendimtar kanë luajtur edhe 2 agjentët speciale të
HETIMI
Pas dyshimeve se grupi kriminal ka përfituar një shumë prej 15 milionë dollarësh nga aktiviteti i jashtëligjshëm, grupi hetimor do të shqyrtojë nëse ata arrijnë t'i justifikojnë të ardhurat dhe burimin e tyre. Fillimisht mësohet se u është dërguar një shkresë të gjitha bankave të nivelit të dytë, për të identifikuar të gjithë llogaritë bankare të të arrestuarve dhe familjarëve të tyre të afërt.
Shërbimit Diplomatik të Sigurisë së Departamentit Amerikan të Shtetit, të atashuar pranë ambasadës së SHBA- ve në Tiranë. Gjatë operacionit policor u goditën shtatë grupe të strukturuara kriminale, u lëshuan 51urdhër arreste, por vetëm 39 u ekzekutuan, ndërsa 12 persona të tjerë janë shpallur në kërkim. Ndërkohë dy ditë pas finalizimit të këtij megaoperacioni u zbulua e shkuara kriminale e disa prej personave të arrestuar, të cilët mendohet të jenë drejtues në këto organizata kriminale. Gjithashtu, u mësua se disa prej të arrestuarve janë aksionerë dhe disponojnë biznese të ndryshme në Shqipëri.