Rrëfimi i nuses që helmoi vjehrrën: I hodha helm në lëngun e portokallit dhe e mbyta me duart e mia
Krimi
tronditës i ndodhur në prill të vitit 2017, ku humbi jetën 47- vjeçarja, Lirie Lami, u zbulua pas një hetimi 10 mujor të prokurorisë për Krime të Rënda. 21- vjeçarja Marjana Çmeta përfundoi në pranga dy ditë më parë, pasi dyshohet se vrau vjehrrën Lirie Lami paraditen e 30 prillit në shtëpinë e saj, në zonën e ish- frutikulturës në Kamëz. Dy muaj pas krimit makabër, e reja, e cila ishte shtatzënë, vendos të shkojë tek hoxha i zonës Hysen Shehu dhe të rrëfehet. Herën e parë ajo dështon të tregojë historinë, por një javë më vonë, Hoxha e thërret për ta dëgjuar dhe vendos të regjistrojë me kamera. "Mendoja se vjehrra donte të më ndante me Oltionin. Debatet mes nesh ishin të forta, derisa ajo bashkë me vjehrrin ikën nga shtëpia dhe u vendosën në shtëpinë e vjetër. Atë ditë e takova Lirien, pasi kishte shpërndarë qumështin dhe po blinte disa fidanë për t'i mbjellë. E ftova në shtëpi, pasi nuk hynte asnjëherë brenda. I thashë "dua pajtim" të kalojmë mirë. Sa hyri i nxora një gotë lëng ku kisha hedhur fostoksinën. Pak minuta më vonë filloi të bërtiste me të madhe. Kisha frikë se mos zbulohej. Hyra në dhomë dhe e gjeta duke tentuar të hapë dritaren. Perdja ra përdhe. Ajo s'po jepte shpirt, mora një shall dhe tentova ta mbysja me të. Pastaj e shtrëngova me duar derisa ndërroi jetë", ka rrëfyer Marjana. Më tej nusja i ka kërkuar hoxhës ta ndihmojë të gjejë qetësi shpirtërore. "Që kur e vrava nuk gjej me qetësi. Më kanë pushtuar xhindet. Më ndihmo të dal nga kjo gjendje, të më falen mëkatet mua dhe asaj",- është shprehur e reja. u kthye tek prindërit. 21vjaçaria në kohën kur është kryer krimi, ka qenë shtatzënë më Oltianin. Ajo ka një vajzë 5 muajsh me ishbashkëshortin. Oltiani, djali i të ndjerës nuk e ka takuar ende vajzën që lindi nga martesa. Pasi varrosi të ëmën u vu në kërkim të së vërtetës. "Në fillim është sjellë shumë mirë. Dukeshin sikur duheshin shumë dhe dukej që e kishin sinqerisht. Më pas ndodhi Mariana nuk e donte më. Edhe kur iku mamaja në fshat nuk e merrte më në telefon. I thosha unë që pse nuk e merr në telefon dhe nuk më kthente përgjigje. Kjo ( Mariana) dyshonte se mos mami im i bën keq asaj. Ka pas thënë shumë herë që ' magjistarja duhet dënuar'. Mendonte që mamaja ime ishte magjistare dhe e thoshte shpesh që "do ta vras magjistaren", tregon Oltiani.