Ndalohet kamioni më 11 kg heroinë në portin e Durrësit, bie në pranga shoferi

Policia: Droga kishte destinacion Italinë

DURRES- Policia Kufitare e Durrësit bllokoi ditën e djeshme një sasi rekord droge. Bëhet fjalë për rreth 11 kilogram lëndë narkotike e dyshuar heroinë, e cila kishte destinacion Italinë. Bëhet me dije se Heroina ishte fshehur në një kamion me targa ' AA 943 OO' që po transportonte qese plastmase. Uniformat blu arrestuan në flagrancë shtetasin Bujar Shazivari, 63 vjeç, i cili drejtonte kamionin. Uniformat blu deklaruan se sekuestrimi i drogës u bë falë kontrolleve intensive për parandalimin dhe goditjen e trafikut të lëndëve narkotike, bazuar në informacionet e marra në rrugë operative në bashkëpunim me agjencitë e tjera ligjzbatuese. Ndërko- hë gjatë kontrollit të imtësishëm me qen antidrogë dhe fibroskop, rezultoi se në kabinën e kamionit MAN me targë AA 943 OO, nën krevatin e shoferit, në një vend të fshehtë u gjetën disa pako me lëndë të dyshuar heroinë. Mësohet se në vendngjarje mbërriti menjëherë grupi hetimor dhe specialistët e Sektorit të Hetimit të Narkotikëve në Drejtorinë Vendore të Policisë Durrës. Nga kontrolli u gjetën 10 pako të mëdha dhe një pako e vogël. Brenda tyre kishte lëndë narkotike të dyshuar heroinë dhe është sekuestruar në cilës- inë e provës materiale. Do të kryhet dhe peshimi i saj. Kamioni ishte me ngarkesë me qese plastmase me destinacion Firenzze, Itali. Grupi hetimor po vijon punën për zbardhjen e plotë të kësaj ngjarje, identifikimin dhe kapjen e personave të tjerë të përfshirë në këtë trafik. Njëkohësisht është shkëmbyer informacion me homologet Italianë për të zhvilluar hetime të përbashkëta në lidhje me këtë rast.