Pensioni social, pesë kushte për përfituesit, dokumentet që duhen
Manuali i ISSH/ Trajtohen personat mbi 70 vjeç
Instituti i Sigurimeve Sho qërore publikon kriteret e përfitimit të pensionit social. Për t'u përfshirë në skemën e përfitimit personat duhet të jenë mbi moshën 70 vjeç, të qëndrojnë në Shqipëri, të paktën për 5 vitet e fundit, nuk plotësojnë kushtet për asnjë pension nga skema e detyrueshme dhe nuk ka të ardhura ose janë më të pakta se një pension social. Kushtet bëhen të ditura në manualin e publikuar së fundmi nga Instituti i Sigurimeve Shoqërore citohet se pensioni social është një përfitim që i jepet çdo shtetasi shqiptar, i cili ka mbushur moshën 70 vjeç, është me qëndrim të përhershëm në Shqipëri të paktën për pesë vitet e fundit, nuk plotëson kushtet për asnjë lloj pensioni nga skema e detyrueshme e sigurimeve shoqërore dhe nuk ka të ardhura, ose të ardhurat që përfiton nga çdo burim tjetër, janë më të ulëta se të ardhurat që jep pensioni social.
DOKUMENTACIONI
Për t'u kualifikuar si përfitues të pensionit social personat duhet të plotësojnë dosjen me dokumentet. Sipas manualit mësohet se duhet të dorëzohet fotokopje e kartës së identitetit; certifikatë familjare; deklaratë për gjendjen socialekonomike; vërtetim nga zyra e gjendjes civile që është banor në Shqipëri për të paktën 5 vite nga koha që paraqet kërkesën; vërtetim nga organet tatimore, nëse ushtron ose jo veprimtari ekonomike; certifikatë pronësie dhe/ ose akti i marrjes në pronësi/ në përdorim të tokës; vërtetim për ndihmën ekonomike dhe deklaratë nëse je aksionar apo bashkëpronar në aktivitete ekonomike/ pasuri të patundshme, që nxjerr të ardhura.
MASA E PËRFITIMIT
Sipas ligjit në fuqi janë dy kategori përfitimi. Masa e pensionit social është e barabartë me të ardhurat minimale që sigurohen nga pensioni i pjesshëm i pleqërisë me 15 vite të siguruara me pagë minimale, i llogaritur në datën 31.12.2014; Masa e pensionit social për personat që kanë të ardhura nga
burime të tjera do të jetë sa diferenca e pensionit social me të ardhurat e tjera që ka përfituesi. Në manualin e ISSH- së saktësohet se kri-
teret, procedurat dhe dokumentacioni për pensionin social përcaktohen me Vendim të Këshillit të Ministrave.