Basha në Fushë- Krujë: Duhet ndërhyrje urgjente nga qeveria
Kryetari i PD- së dhe deputetët shpërndahen në zonat e përmbytura "Përgjegjësit do të dalin pas fazës së emergjencës"
Kryetari i Partisë Demokratike, Lul zim Basha i kërkoi dje, kryeministrit Edi Rama të dërgojë ndihma në FushëKrujë. Kreu i PD- së, iu rikthye banorëve të dëmtuar nga përmbytjet në zonën e Fushë- Krujës, duke vizituar disa shtëpi. "Në Fushë- Krujë situata kërkon ndërhyrje emergjente nga qeveria. Me qindra banorë të përmbytur në fshatin Hasan nuk kanë ushqim. Të njëjtin problem kishin banorët në Bilaj. Ata ishin 24 orë pa ngrënë, sepse qeveria nuk u ka çuar asnjë ndihmë. I bëj thirrje Edi Ramës të mos e shohë situatën nga asfalti i autostradës, siç më thanë banorët se ka bërë me FushëKrujën, por të shkojë pranë njerëzve, t'i ndihmojë me ushqime, me veshje dhe me strehim",- u shpreh dje, pas vizitës në këtë qytet, Basha. "Në Fushë- Krujë pata rastin të falënderoj dhe të shpreh mirënjohjen për ushtarët dhe policët që po sakrifikojnë prej 3 ditësh për të shpëtuar jetën e njerëzve. Më e keqja akoma nuk ka kaluar. Do jemi në Fier dhe në Vlorë për t'u gjendur pranë qytetarëve të prekur nga përmbytjet",- njoftoi ai. Gjatë vizitës që pati në Fushë- Krujë, Basha u njoh me shqetësimet e banorëve. Një prej tyre i tha se nuk u kishte ardhur askush t'i vizitonte. "Të mbarojë kjo gjendje se andej nga jugu është akoma më e vështirë",iu përgjigj Basha. Basha ishte brenda në Fushë- Krujë, ku janë përmbytur dy lagje, në fshatin Bilaj dhe në Hasan, ku banorët kanë 24 orë pa ushqime. "Kam ardhur t'ju shoh dhe për të ndërgjegjësuar që t'ju gjenden pranë e t'ju ndihmojnë. Ju keni nevojë për ndihmë",- u tha Basha, banorëve. Banorët në FushëKrujë i thanë Lulzim Bashës se mesnatën e së premtes kryeministri qëndroi fare pak minuta në autostradë dhe nuk i takoi të përmbyturit. Basha i kërkoi Ramës Kryetari i FRPD, Belind Këlliçi, së bashku me kryetarin e Forumit Rinor të Paskuqanit dhe anëtarë të FRPD- së, ishte pranë familjeve të përmbytura në zonën e Babrrusë, Kodër të Kuqe dhe Paskuqan. Të rinjtë demokratë shpërndanë ndihma ushqimore për familjet e prekura nga përmbytjet për t'u ardhur sado pak në ndihmë në këto ditë të vështira.
të shkojë pranë njerëzve dhe t'i ndihmojë ata me ushqime, veshje dhe strehim. Por banorëve të përmbytur, dëmshpërblimi material nuk u mjafton dhe i kërkuan Bashës të kujdeset që të dalin përgjegjësit. "Të bëjmë çdo përpjekje për të shpëtuar njerëzit. Kjo është e para. Pastaj të gjithë përgjegjësit do të mbajnë përgjegjësi",- iu tha Basha. Ndërkohë edhe deputetët e PD- së janë shpërndarë këto dy ditë nëpër zonat e tyre, për të qenë më pranë qytetarëve të prekur nga përmbytjet, veçanërisht në jug. Deputetja Dhurata Çupi ishte në fshatin Bruç, të Matit, ku disa familje janë izoluar për shkak të përmbytjes së shtëpive, gjësë së gjallë dhe tokave bujqësore. Ndërsa deputeti i qarkut të Durrësit, Oerd Bylykbashi ndoqi nga afër situatën në këtë qytet, veçanërisht në Sukth dhe Katund i Ri. Bylykbashi tha se kryetari i Bashkisë së këtij qyteti, Vangjush Dako, ka sjellë pasoja të rënda në përmbytjen e këtij qarku, me abuzimet e fondeve për betonizim.