Berisha në Kuvend: Tahiri i dërgoi Ramës 3 milionë euro në zyrë
"Rama krijoi narkoshtetin, gruaja e Tahirit po shumëfishon dyshimin" "Ministri mori 100 mijë euro, Llalla ta hetojë"
Ish- kryeministri Sali Ber isha akuzoi dje në Kuv end kryeministrin Edi Rama dhe ish- ministrin e Brendshëm, Saimir Tahiri se janë të përfshirë në trafikun e drogës. Berisha deklaroi se pas rënies së avionit me drogë në Ishëm, Tahiri për të mos u shkarkuar nga detyra si ministër, i ka dërguar Ramës në zyrë 3 milionë euro. Ishkreu i PD përmendi se opozita ka e denoncuar vazhdimisht Tahirin dhe trafikun e drogës, por akuzat janë injoruar nga kryeministri Edi Rama. "Po ju drejtohem juve socialistë, që nuk jeni të kanalizuar. Juve që nuk e shikoni të ardhmen me krim. Unë ju drejtohem juve sot i detyruar, sepse ata të cilët duhet të ishin këtu, kanë një javë që fshihen. Ata po fshihen se kanë mashtruar për shumë vite në këtë sallë dhe kudo dhe kanë frikë nga vetja e tyre. A nuk e kemi denoncuar ne Saimir Trafikun, se në vitin 2013 ishte i pari që importoi skafin. Edi Rama nuk e mori parasysh, do t'i jepte atij portofolin më të rëndësishëm. A nuk jemi ne që dendocuam pasi oficeri Zagani zbuloi lidhjen me Habilajt. Ishte makina me targa e tretë më e rëndësishme në vend, por Edi Ram e mbrojti përsëri. A i e shpalli ministrin më të suksesshëm. A nuk jemi ne që denoncuam avionët me drogë? Cila ishte përgjigja e Ramës? Halucinacione dhe mushkonjat ju duken avion. A nuk ishte opozita që denoncoi se në Ishëm ra avioni? Por jo vetëm në Ishëm. Edi Rama përgatiti shkarkimit. I dërgoi 3 milionë euro në zyrë Saimir Tahiri Edi Ramës. Saimir Tahiri nuk u shkarkua. Me qindra herë denoncuam që vendi po mbushet me kanabis", deklaroi z. Berisha. Ish- kryeministri Sali Berisha akuzoi bashkëshorten e Saimir Tahirit se po prish provat për ishministrin në zyrën e tij në Gardë. "Shikoni sa prova i ka prishur Tahiri gjatë kësaj periudhe, a nuk po vrapon e
shoqja nga 5 orë në Gardë? Zonja Tahiri nuk duhet ta bënte kurrë atë veprim, se ajo duhet ta dijë mirë se çdo hap i saj vetëm shumëfishon dyshimin për prishjen e provave. Po kur të vjen nga Zoti, kësaj nuk ke ç'i bën. Prandaj ka një javë që ai, kreu juaj që ia mbath. Mirë me italianin ia gjetën, se
s'kishte asgjë dosja, por për 850 mijë euro dhe dy patentat e jahtit, a mund të më thoni pse nuk e çel gojën Saimiri? Por Edi Rama pse nuk flet për të", theksoi z. Berisha. Më herët ish- kryeministri Sali Berisha denoncoi se ministri Damian Gjiknuri ka marrë 100 mijë euro dhe ka emëruar një të dyshuar për vrasje
si drejtor tek Aviacioni Civil. Berisha i kërkoi prokurorisë që të hetojë për këtë rast. "Përshëndetje, në Ministrinë e Infrastrukturës u zhvillua konkursi për Drejtorinë e Aviacionit Civil. Ky konkurs i stisur përfundoi duke nxjerrë fitues vrasësin e një nëne edhe dy fëmijëve të vegjël te karburanti i babait të tij në
Golem!", shkruhet ndër të tjera në postimin e Berishës. Po dje z. Berisha akuzoi dje kryeministrin Edi Rama se ka miratuar vendimin për shpopullimin e Luginës së Preshevës. Z. Berisha tha se regjimi i Vuçiç po zëvendëson udhëheqësit shqiptarë legjitimë me refugjatë nga territore të tjera, jo vetëm të Ball-
kanit. Ai foli edhe për çështjen e Kumanovës dhe vendimin e dhënë ndaj të arrestuarve tek "Lagjja e Trimave" dhe kërkoi hetim ndërkombëtar. Ish- kryeministri akuzoi se qeveria "Rama" ka zero interes kombëtar, ndërsa sipas tij, ka interes vetëm pasurimin e paligjshëm të klikës në pushtet.