Reforma zgjedhore, PD depoziton kërkesën, Basha: Tri kushtet tona
Kërkesa drejtuar Kuvendit, çfarë kërkojnë demokratët për garantimin e votës së lirë "Marrëveshja, Ramën s'e kemi aleat, por problem"
Partia Demokratike kërkoi dje zyrtarisht në Kuvend ngritjen e Komisionit ad hock për reformën zgjedhore. Tri janë kushtet e PD- së për një reformë që garanton votën e shqiptarëve: "1- Votimi dhe numërimi elektronik; 2- Të ulë rolin e kryetarëve dhe partive politike në proces; 3T'i japë më shumë pushtet qytetarëve për të vendosur mënyrën përfaqësimit të tyre në parlament dhe në organet e tjera". Kërkesa drejtuar kreut të Kuvendit, Gramoz Ruci është propozuar nga deputetët Endri Hasa, Valentina Duka, Eduard Halimi, Enkelejd Alibeaj, Durata Çupi, Fatbardha Kadiu, Flamur Noka, Romeo Gurakuqi, Jorida Tabaku, si dhe është firmosur nga kreu i grupit parlamentar Edmond Spaho. Në kërkesën e PD thuhet se zgjedhjet e lira dhe të ndershme janë themeli i demokracisë funksionale. Gjithashtu, në kërkesë bëhet e ditur se për shkak të vullnetit të maxhorancës qeverisëse në mandatin e kaluar nuk u arrit të realizoheshin ndryshimet ligjore për të garantuar zgjedhja të lira dhe të ndershme. Por kreu i PD- së Lulzim Basha bëri dje me dije edhe 3 kushtet e PD për reformën zgjedhore, teksa u shpreh i hapur të diskutojë çdo opsion për sistemin zgjedhore, po ai tha se reforma duhet të plotësoje 3 kritere. "Ne jemi të hapur për çdo model që ofron këto tre kushte: "Jemi të hapur për modelin por duhet të plotësojë tri kushte sipas PD. - Votimin dhe numërimin elektronik; - Të ulë rolin e kryetarëve dhe partive politike; - Të fuqizojë dhe japë më shumë pushtet qytetarëve për të vendosur mënyrën e përfaqësimit e tyre", deklaroi kreu i PD- së. Sipas tij reforma zgjedhore do të kalojë nëpërmjet një procesi të gjerë konsultimesh, ku do të përfshihen të gjithë grupet e interesit. "Jemi të vendosur që kjo reformë as të mos nda-