Mbledhja e këshillit bashkiak, LSI kalon "testin", miraton 5 projektvendime bashkë me PS- në
Këshilltarët e PD- së bojkotojnë mbledhjen pa shkak
DURRËS - Pak ditë pas zgjedhjeve parlamentare, bashkia e Durrësit ka "testuar" këshilltarët e LSI- së me mbledhjen urgjente të këshillit bashkiak, që u zhvillua mbrëmjen e së enjtes. Rreziku i djegies së fondeve për investimet publike ka bërë që bashkia e qytetit bregdetar të mbledhë urgjentisht këshillin bashkiak. Këshilltarët e Partisë Demokratike bënë bojkot pa asnjë argument, pasi nuk morën pjesë në "parlamentin e vogël". Ndërsa, këshilltarët e LSI- së iu mbajtën marrëveshjes më të hershme për pushtetin lokal me Partinë Socialiste. Në rendin e ditës ishin 6 projektvendime, një prej të cilëve u fut me urgjencë në momentin e fundit. Bëhet fjalë për miratimin e fondit prej 1 milion lekësh të reja, për zhvillimin e panairit të librit, që do të startojë nga 2 gushti deri më 5 gusht në shëtitoren "Taulantia". Nga 6 projektvendime të rendit të ditës u miratuan pa asnjë debat pesë prej tyre, ndërsa u shty projektvendimi për heqjen e mandatit të këshilltarit të LSI- së, Xhemal Tabaku. Gjatë mbledhjes, këshilltari i LSI- së, Jeton Rexmati tha se Tabaku nuk është i vetmi që mungon në këshillin bashkiak, por ka edhe të tjerë nga e Partia Demokratike. Sipas këshilltarëve bashkiakë, ishkreu i njësisë vendore të Rrashbullit, Hysen Gashi i PD- së, ka më shumë se 6 muaj që nuk paraqitet në asnjë mbledhje të këtij këshilli. Ndërkaq, në mbledhjen e dy ditëve më parë, socialistët dhe kreu i Bashkisë së Durrësit, Vangjush Dako nuk u përfshinë në debate me këshilltarët e LSI- së. Pika e rendit të ditës për heqjen e mandatit të këshilltarit Tabaku u shty për t'u diskutuar një herë tjetër. Me kartonët jeshilë të PS- së dhe LSIsë u miratuan fondet për: kopshtin "Hasan Koci" në Shkozet dhe për gërmimet arkeologjike pranë shkollës "Marie Kaculini". Gjithashtu, u miratuan edhe projektet për ndërtimin e ujësjellësve në disa ish- njësi vendore në zonat rurale. Po ashtu u miratua fondi prej 9.9 milionë le- kësh për zhvillimin e panairit të librit. Këshilltarët e LSI- së së bashku me të PS- së përbëjnë korumin e nevojshëm në Këshillin Bashkiak të Durrësit. Nëse LSI do të bëjë opozitën në këshillin bashkiak, Vangjush Dako do ta ketë të vështirë vendimmarrjen, pasi PS nuk e ka luksin të udhëheqë e vetme në parlamentin e qytetit. Por, nuk është as çudi që për të mbajtur vendet e punës, këshilltarët e LSI- së të mos dalin në opozitë, por të ngrenë kartonët jeshilë në favor të politikës së kreut të Bashkisë Durrës. kl. ha.