Shpërdoruan ujin e pijshëm, bashkia gjobit 26 familjarë dhe 12 biznese
Apeli i UKT- së: Kursejeni, qytetarët të denoncojnë çdo abuzim, ja 2 numrat Situata e ujit, në "sitë" abonentët e Tiranës
Task- Forca e Ujit, ngri tur nga Bashkia e Ti ranës dhe Ujësjellës Kanalizime Tiranë ka vendosur 26 gjoba për familjarë dhe 12 të tjera për biznese të ndryshme, pasi u gjetën në kushtet e abuzimit me ujit e pijshëm, duke e përdorur për ujitje. Një pjesë e këtyre rasteve janë referuar në organet ligj zbatuese të Policisë së Shtetit dhe Prokurorisë, ndërsa është bërë edhe shoqërimi i tre personave në polici. Gjithashtu, grupet e punës në terren kanë bërë edhe verifikimin e 2130 abonentëve, duke ndërprerë aktmarrëveshjet lehtësuese me 34 prej tyre që rezultojnë debitorë. Aksioni i TaskForcës është përqendruar në dy drejtime: në linjat e transmetimit në periferi të Tiranës si Yrshek, Mëzes, Kashar, Babrru, Astir, Kodër- Sharrë, Shkozë, Sauk, etj., si dhe në rrjetin e shpërndarjes brenda në qytet, përfshi subjektet private dhe shtëpitë me bahçe dhe lulishte. Vetëm gjatë ditës së sotme, grupet e TaskForcës kanë identifikuar dhe shkëputur 226 raste të lidhjeve të paligjshme në rr- jetin e ujësjellësit. 22 grupet e Task- Forcës, me pjesëmarrjen e Policisë së Shtetit, Policisë Bashkiake, Prefekturës dhe stafit teknik të Ujësjellës- Kanalizimeve të Tiranës, të shpërndara prej 2 ditësh në të gjithë territorin e Tiranës, përfshi zonat rurale, ashtu edhe ato urbane, kanë pasur në fokus të punës së tyre pikërisht shkëputjen e çdo lidhjeje të paligjshme në rrjetin e ujësjellësit, si dhe të çdo rasti tjetër të abuzimit me ujin e pijshëm. Në fokusin e këtij aksioni të përgjithshëm kanë qenë edhe rastet e abuzimit me ujin e pijshëm nga subjektet private brenda qytetit. Gjatë verifikimeve në terren janë konstatuar dhe ndërprerë të gjitha lidhjet e ujit që përdoreshin nga lavazhet e makinave. Edhe në këto raste subjektet janë gjobitur sipas parashikimit në ligj, ndërsa për çdo shkelje penale është bërë gjithashtu denoncimi në organet përkatëse.
SITUATA
Ngritja e Task- Forcës së Ujit erdhi në zbatim të planit të masave për menaxhimin e situatës së emergjencës në kryeqytet, si pasojë e të nxehtit të madh dhe thatësirës së zgjatur. Ndërkohë, qytetarët kanë në dispozicion dy numra telefoni, 08004488 të Ujësjellësit të Tiranës dhe atë të Bashkisë së Tiranës 08000888, për të raportuar problemet e furnizimit me ujë të pijshëm, apo të denoncojnë rastet e abuzimit, të cilat dëmtojnë rrjetin e ujësjellësit. Bashkia e Tiranës u ka bërë thirrje banorëve që të bashkëpunojnë si në rastet e denoncimit të çdo rasti abuzimi, ashtu edhe në përdorimin me kursim të ujit të pijshëm.