Ekzekutimi i Artan Cukut, policia: Shkak, gjakmarrja
Mikel Shallari kërkon mbrojtjen e familjes, sot del para gjykatës Hetimet për dy raste, në Berat e Shkodër
Hakmarrje ose gjak marrje; është kjo pis ta kryesore ku Policia e Shtetit dhe Prokuroria e Krimeve të Rënda i kanë përqendruar hetimet për të zbardhur të plota rrethanat e krimit të rëndë që i mori jetën komisar Artan Cukut më 8 prill të këtij viti. Një ditë pas arrestimit të autorit të dyshuar që kreu ekzekutimin, Mikel Shallarit, hetuesit kanë ngritur ndaj tij akuzën e "Vrasjes për gjakmarrje", e kryer në bashkëpunim, që parashikon dënimin me burgim të përjetshëm ose jo më pak se tridhjetë vjet. Ndërkaq, hetuesit e çështjes në fjalë janë duke punuar për kapjen e të paktën dy personave të tjerë të dyshuar si të përfshirë në ngjarjen e rëndë. Burime pranë policisë bënë me dije se me anë të metodave specifike kanë mundur të identifikojnë dy persona të cilët dyshohet të kenë ndihmuar 24- vjeçarin nga Kuçova për të kryer vrasjen e Artan Cukut. Sipas të njëjtave burime, hetimet janë duke vijuar për të bërë të mundur edhe zbulimin e ideatorit të vrasjes, nëse ka qenë Mikel Shallari që e ka dashur komisarin të vrarë, apo ndonjë person tjetër. Ditën e djeshme, Prokuroria e Krimeve të Rënda dorëzoi në gjykatë dosjen penale në ngarkim të të riut, në të cilën thuhet se ka prova të mjaftueshme që e fajësojnë atë. Prokurori i çështjes ka kërkuar që ndaj të riut të vendoset masa e sigurisë "arrest me burg". 24- vjeçari pritet të dalë sot në Gjykatën e Krimeve të Rënda për t'u njohur me masën e sigurisë.
KËRKESA PËR BASHKËPUNIM
Grupi hetimor ka tentuar disa herë të marrë në pyetje të dyshuarin Mikel Shallari. Edhe pse ky i fundit ka vijuar të mohojë para oficerëve se mund të ketë lidhje me ngjarjen për të cilën po akuzohet, hetuesit i kanë kërkuar që ai të tregojë gjithçka që di dhe në këmbim të informacioneve do të marrë statusin e bashkëpunëtorit të drejtësisë. Pavarësisht përpjekjeve të hetuesve, 24- vjeçari nga Kuçova ka vazhduar të mohojë akuzën, duke mos dhënë emra konkretë të personave me të cilët mund të ketë bashkëpunuar. Pavarësisht pretendimeve të tij, burime të besuara të policisë sqaruan për gazetën se kanë prova të forta që e implikojnë atë në ngjarje. "Kemi prova që na çojnë në faktin se personi që
qëlloi mbi Artan Cukun është Mikel Shallari. Dëshmia e tij do të jetë tepër e vlefshme për të zbuluar shkakun e vrasjes dhe nëse është ai ideatori apo tjetër person. Nga ana jonë janë duke vijuar hetimet intensive për zbardhjen e krimit", thanë dje burime pranë grupit hetimor. Ndërkaq, burime të besuara pranë "Gazeta Shqiptare" bënë me dije se për një moment Mikel Shallari ka dhënë dëshmi kontradiktore. Kjo pasi, në momentin
që i janë paraqitur faktet dhe provat që e implikojnë atë në krim, si dhe dënimi që ai rrezikon të marrë, i riu ka kërkuar mbrojtjen e familjes së tij, por pa dhënë një dëshmi të vlefshme për hetuesit. Autori i dyshuar u identifikua nga profili gjenetik i ADN- së. Pas ekzekutimit të Cukut, ai u largua nga vendngjarja në këmbë, por diku 800 metra më tej, ndërroi rrobat që përdori në krim dhe i hodhi në një kosh mbeturinash. Kjo pakujdesi e tij ndi- "Në vijim të komunikatës që bën fjalë për veprën penale ' Vrasje për gjakmarrje', e kryer në bashkëpunim, të shtetasit A. C., më datë 10.06.2017 u arrestua shtetasi M. SH., 24 vjeç, banues në Tiranë, pasi dyshohet si autor i ngjarjes së ndodhur më datë 08.04.2017. Parashikuar nga neni 78/ a- 25 i Kodit Penal", thuhet në njoftimin zyrtar të policisë.
hmoi grupin e hetimit të bënte të mundur identifikimin e autorit të dyshuar, ndërsa për identifikimin e tij është bashkëpunuar ngushtë me policitë e vendeve të Bashkimit Europian.
DYSHIMET
Ndonëse grupi hetimor e ka përqendruar pistën kryesore në atë të hakmarrjes apo të gjakmarrjes, nuk përjashtojnë që vrasja e Cukut të jetë kryer për shkak të detyrës që ai ka mbajtur kur ka qenë pjesë e Policisë së Shtetit.
Burime pranë policisë sqaruan se janë duke verifikuar disa raste, nëse i dyshuari Mikel Shallari është shoqëruar në policinë e Beratit gjatë kohës që Artan Cuku ka qenë në detyrë në këtë qytet. Ndërsa, një pistë tjetër të hetimit e kanë përqendruar në faktin se Bujar Daka, nga Shkodra, dyshohet të jetë personi që ka porositur vrasjen e Cukut. "Kjo, - thanë burimet, - për faktin se vëllai i tij, Agim Daka është vetëvrarë në zyrën e Cukut në Komisariatin Nr. 4
Tiranë teksa merrej në pyetje për vendin ku ndodhej vëllai i tij". Burimet e lartpërmendura sqaruan se Bujar Daka ka qenë i dënuar për çështje droge në Zvicër. Gjatë kohës që ai ka qenë në burg, i dënuar për çështje droge ka qenë edhe 24- vjeçarin Mikel Shallari. Ky i fundit rezulton i dënuar nga autoritetet zvicerane me 3 vjet heqje lirie. Është pikërisht ky fakt që i çon hetuesit të dyshojnë se njohja mes tyre është kryer që në burgun e Zvicrës.