Prokuroria kërkon 25 vite burg për ish- deputetin Mark Frroku
Organi i akuzës iu referohej dëshmive anonime të mbledhura në vendngjarje Akuzohet për vrasjen në Belgjikë dhe 3 vepra të tjera
Prokuroria e Tiranës i kërkoi gjykatës shpalljen fajtor të Mark Frrokut si dhe dënimin e tij me 25 vite burgim. Ish- deputeti kristiandemokrat është nën akuzë për 4 vepra penale, ku më e rënda është ajo e "Vrasjes me paramendim, në bashkëpunim", me pasojë vdekjen e Aleksandër Kurtit në Belgjikë. Në seancën e djeshme gjyqësore, organi i akuzës, kërkoi gjithashtu që për një periudhë prej 10 vitesh Mark Frrokut t'i hiqet e drejta për të ushtruar funksione publike. Vetë i pandehuri nuk ishte i pranishëm në sallën e gjyqit, ku me anë të një deklarate kishte kërkuar që të përfaqësohej nga dy avokatët e tij. Dy prokurorët, Adriatik Cama dhe Anisa Qilimi thanë se, referuar materialeve të ardhura nga Belgjika, rezulton se Mark Frroku është një prej autorëve të vrasjes së Aleksandër Kurtit në Bruksel. Sipas prokurorisë, krimi ka ardhur si pasojë e përplasjes së viktimës me pjesëtarët e një grupi kriminal që shfrytëzonte femrat për prostitucion. Kështu, për vrasjen në Belgjikë, duke iu referuar dëshmive anonime të mbledhura në vendngjarje nga dëshmitarët, prokuroria kërkoi 17 vjet burg për "Vrasje me paramendim, në bashkëpunim", për "Fshehje pasurie" u kërkuan 3 vite burgim, për "Pastrim parash" 15 vite burgim, si dhe 4 vite burgim për "Ndërtim i paligjshëm me qëllime përfitimi". Në total, organi i akuzës kërkoi 25
vite burg duke bashkuar këto vepra penale.
SEANCA
Para togave të zeza, dy prokurorët e çështjes "Frroku" argumentuan se i ndjeri Aleksandër Kurti, i cili asokohe njihej me identite-
tin Azem Shkreli, i lindur në Jugosllavi, kishte lidhur miqësi me një vajzë të quajtur Lume, e cila shfrytëzohej si prostitutë në rrugët e Brukselit nga grupi kriminal, së bashku me disa vajza të tjera. Por miqësia e Ale- ksandër Kurtit me vajzën u bë e fortë, çka ka hasur kundërshtimin e tutorëve të vajzës, të cilët kanë shkuar të sqarohen me të. Por biseda mes tyre ka shkuar keq dhe ata e kanë goditur Kurtin me thikë e mjete të forta, derisa ai ka ndërruar jetë. Në pretencë, prokuroria iu referohej dëshmive anonime që hetuesit belgë kishin mbledhur pas ngjarjes, dhe mbi bazën e tyre kanë identifikuar të dyshuarit për krimin, mes të cilëve edhe Mark Frroku. Pas kërkesës së prokurorisë, avokati i Frrokut u shpreh se ndihej i habitur pas konkluzioneve të organit të akuzës dhe kërkoi një kopje të tyre dhe
kohë në dispozicion për të bërë mbrojtjen e klientit të tij. Seanca e radhës parashikohet të mbahet më datë 30 mars, ku mbrojtësit ligjorë të Mark Frrokut do të paraqesin pretendimet e tyre. Dy ditë më parë, Gjyka-
ta e Tiranës shpalli të pafajshëm Kristian Marinajn, i dyshuar si bashkëpunëtori kryesor i Mark Frrokut në vrasjen e Aleksandër Kurtit në vitin 1999. Për të, prokuroria kishte kërkuar dënimin me 16 vite burg.